Манай сэтгүүлч Б.Төгсжаргал БНХАУ-ын мансууруулах бодисонд хяналт тавих үндэсний комиссын нарийн бичгийн дарга, НАХЯ-ны мансууруулах бодисонд хяналт тавих товчооны Ерөнхий захирал ноён Лию Юэжинтэй ярилцлаа.

Манай хоёр улсын цагдаагийн байгууллага энэ чиглэлээр хамтарч ирсэн ямар туршлага уламжлал байдаг вэ?

Манай Хятад Монгол хоёр улсын  мэргэжлийн байгууллагууд  олон жилийн хамтын ажиллагаатай байж, харилцан бие биенээ дэмжиж, энэ төрлийн гэмт хэрэгтэй тэмцэх чиглэлээр хамтарч ажиллаж ирснийг бид мэдэж байгаа. Орчин үед энэ харилцаагаа улам гүнзгийрүүлж, өргөжүүлж, шинэ түвшинд гарган хамтарч ажиллах бодит хэрэгцээ шаардлага гарсан тул бид энэ чиглэлээр хэд хэд ажлуудыг хийхээр өнөөдрийн уулзалтыг зохион байгуулж байгаа нь ихээхэн ач холбогдолтой ажил боллоо. Манай улсын  хар тамхи мансууруулах бодистой холбоотой гэмт хэрэгтэй тэмцэх чиглэлээр ажилладаг хамгийн гол байгууллагууд Монгол улсын ЦЕГ-ын Зохион байгуулалттай тэмцэх газар, Гэмт хэрэгтэй тэмцэх газрын удирдах  түвшний алба хаагч нар оролцсон нь өнөөдрийн бидний ярьсан зүйлүүд бодит биеллээ олж, судалгаанд дурьдсан ноцтой асуудлуудыг шийдвэрлэхэд зохих үр дүнгээ өгнө гэж бодож байна.

Хамгийн гол нь энэ чиглэлийн гэмт хэрэг өсөж байгаа, энэ гэмт хэргийг үйлдэж байгаа иргэд улам залуужиж байгаа нь хоёр улсад хоёуланд нь тулгамдсан асуудал болоод байгаа учраас  үүнийг бууруулах, урьдчилан сэргийлэх үйл ажиллагаа зохион байгуулах, хэрэг илрүүлэх талаар бид бодлогын түвшинд хэрэгжүүлэх тодорхой шаардлагууд байгааг сая илүү ярилцлаа

Энэ чиглэлээр хэрхэн хамтарч ажиллахаар бэлтгэж байна вэ? 

Тоо баримтаас харахад хар тамхи мансууруулах бодистой холбоотой гэмт хэрэг нөхцөл байдал улам хүнд болж, нарийн судалгаан дээр тулгуурлаж ажиллах хэрэгтэй байна.Юуны түрүүнд харилцан мэдээлэлээ шуурхай солилцох  шаардлага их байгаа нь өнөөдрийн уулзалтаас ч мөн харагдлаа. Ялангуяа хар тамхи, мансууруулах бодисын хэрэглээ нь өнөөгийн цаг үед хил дамнасан гэмт хэрэг учраас хоёр улсын мэргэжлийн байгууллагуудын тулгамдсан асуудал болоод байна. Ингэж олон улс үндэстэн дамжин тархаж байгаа нь манай хоёр улс төдийгүй бүс нутаг, цаашлаад дэлхийн нийтийн тулгамдсан асуудал болж байгааг ч энд бас дурьдах ёстой.

Нөгөө  талаар энэ чиглэлээр ажиллах боловсон хүчний асуудалд өндөр хэмжээнд  анхаарах хэрэгтэй байна. Мэргэжлийн алба хаагч нарыг бэлтгэхэд зөвхөн хоёр орны гэхгүй гадаадын бусад орнуудын тэргүүн туршлага, техник технологийн дэвшлийг нэвтрүүлж үйл ажиллагаагаа сайжруулах нь энэ төрлийн гэмт хэрэгтэй тэмцэх гол ажил гэдгийг шийдвэрлэх хэрэгтэй.

Өнөөдрийн уулзалтаас ямар үр дүн хүлээж байна?

Нэгдүгээрт: Бидний зүгээс өнөөдрийн уулзалт бол хар тамхи мансууруулах бодистой холбоотой гэмт хэрэгтэй тэмцэх чиглэлээр  улам их өндөр түвшинд хамтын ажиллагаагаа өргөжүүлэх боломж дахин нээгдлээ гэж дүгнэж байна. Нэг үгээр хэлбэл бид өмнө нь ажиллаж байсан үеэсээ илүү өргөн цар хүрээтэй бодлого барьж, үйл ажиллагаагаа гүнзгийрүүлэх зорилго тавих хэрэгтэйг харууллаа. Нөгөө талаар дараа  дараачийн олон сайн хамтын ажиллагааны  үндсэн бат суурь болсон гэдэгт итгэлтэй байна. Хоёр талаас тавьсан саналуудаа  нэгтгэн бид хамтарч ажиллах болно.

Үүний тулд одоо хүчин төгөлдөр хэрэгжиж байгаа гэмт хэргээс урьдчилан сэргийлэх, хамтын ажиллагааны талаар манай хоёр улсын Засгийн газар, Цагдаагийн байгууллагуудын хооронд байгуулсан гэрээ, хэлэлцээрүүдийг шинэчлэх, хэрэгжих эрх зүйн орчин үндэслэлийг нь орчин үед батлагдан гарсан хууль дүрэмтэй сайтар нийцүүлэх хэрэгтэй байгааг хэлэх нь зүйтэй байх.

Хятад улс энэ  төрлийн гэмт хэрэг үйлдсэн хүнд ямар ял шийтгэл оногдуулдаг вэ?

Манай улсад хар тамхи, мансууруулах бодис хэрэглэсэн, тээвэрлэсэн  яг адилхан хатуу шийтгэлтэй байдаг. Мөн энэ төрдийн гэмт хэрэг үйлдсэн хүмүүсийг нийгэмшүүлэх, хорт зуршлаас нь салгах талаар үйл ажиллагаа зохион байгуулдаг. Мөн урьдчилан сэргийлэх чиглэлээр ухуулга сурталчилгаа явуулах, хор холбогдлыг нь таниулах чиглэлээр иргэдэд хандсан үйл ажиллагааг явуулдаг даа.