Монгол Улсын Ерөнхийлөгчийн 102 дугаар зарлигаар Цагдаагийн ерөнхий газрын Дэд бөгөөд Стратеги, бодлого, инновац хөгжлийн албаны дарга, цагдаагийн хурандаа О.Ганбатад “Бригадын генерал” цол хүртээлээ.

Ийнхүү цэргийн дээд цол гардуулах ёслолын үйл ажиллагаа өнөөдөр /2025.07.10/ Төрийн ордны Ёслол, хүндэтгэлийн их танхимд болж, цолыг Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх гардуулсан юм.

Бригадын генерал О.Ганбат нь цагдаагийн байгууллагад 33 дахь жилдээ ажиллаж байгаа бөгөөд цагдаа, дотоодын цэргийн байгууллагаас төрөн гарч буй 20 дахь генерал юм.

Цэргийн дээд цол хүртсэн бригадын генерал О.Ганбат танд баяр хүргэж, цаашдын ажил, хөдөлмөрт тань амжилт хүсье. 

Мөнх тэнгэрийн хүчин дор Монгол цэргийн сүр хүч, хийморь золбоо үеийн үед мандан бадрах болтугай.