ОРХОН АЙМГИЙН ЦАГДААГИЙН ГАЗРЫН
ТҮҮХЭН ЗАМНАЛ

     Нийгмийг аюулаас хамгаалах яамны сайдын 1976 оны 03 дугаар сарын 05-ны өдрийн тушаалаар мөн оны 03 дугаар сарын 01-ний өдрөөс Эрдэнэт хотын  нийгмийг аюулаас хамгаалах хэлтсийг Цагдан сэргийлэх ангитайгаар анх байгуулагдаж, Цагдаагийн ерөнхий газрын даргын 1994 оны 09 дүгээр сарын 06-ны  өдрийн 222 дугаар тушаалаар Орхон аймгийн Засаг даргын дэргэдэх Цагдаагийн хэлтэс, мөн 1997 оны 05 дугаар сарын 05-ны өдрийн 105 дугаар тушаалаар  Орхон аймгийн Засаг даргын дэргэдэх Цагдаагийн газар, мөн даргын 2014 оны 05 дугаар сарын 06-ны өдрийн 313 дугаар тушаалаар Орхон аймаг дахь  Цагдаагийн газар болон өргөжсөн.

Тус Цагдаагийн газар нь Цагдаагийн ерөнхий газрын даргын 2014 оны 175, 449, 2016 оны Б/227, 2017 оны Б/01, 2018 оны А/211, А/212, 2022 оны А/04, Б/257 дугаартай тушаалаар Удирдлага, Захиргааны удирдлага, Эрүүгийн цагдаа, Мөрдөн байцаах, Нийтийн хэв журам хамгаалах, Замын цагдаа, Шуурхай удирдлага, Зөрчлийн хэрэг бүртгэх тасаг, Гэрээт цагдаагийн хэлтэс гэсэн бүтэцтэйгээр нийт 313 /офицер 105, ахлагч 201, энгийн 7/ орон тоотой. Бие бүрэлдэхүүний 99 буюу 33.9 хувь нь офицер, 187 буюу 64 хувь нь ахлагч, 6 буюу 2 хувь нь энгийн ажилтан байна. Алба хаагчдын 263 буюу 90,1 хувь нь эрэгтэй, 29 буюу 9,9 хувь нь эмэгтэй алба хаагч байна. Орон тооны нөхөн хангалт 93,2 хувьтай байна.