Хүрээн дэхь Оросын Консулын газрын харуулын цагдаа 1918 он Арван тавны цагдаа. 1910-1911 онд Богд Жавзандамба хутагтын лүндэнгээр Нийслэл Хүрээг 15 хувааж, захын эргүүлийн цагдааг морьтой, дотор эргүүлийн цагдааг явган гэж ангилан тогтоожээ. Энэ цагаас эхлэн “арван тавны цагдаа” хэмээн олноороо нэрлэх болж, хожим “амгаланг сахиулах цагдаа” гэдэг байв.

1924 онд хуралдсан Улсын анхдугаар Их хурлаас Цагдан сэргийлэх байгууллагыг  Дотоод яамны харьяанд шилжүүлэн "УЛСЫН ЦАГДАН СЭРГИЙЛЭХ ЕРӨНХИЙ ГАЗАР"-ыг байгуулж, аймаг хошуудад цагдан сэргийлэх нэгж байгуулахаар шийдвэрлэж, хүн ам, гадаад мөнгө хүүлэгчид төвлөрч байсан Улиастай хотод бага дарга 1, цагдаа 4-ийг ажиллуулах болсон нь орон нутаг дахь цагдаагийн байгууллагын анхны салбар нь байв. 1934-1940 оны үед Цагдан сэргийлэх байгууллагад тусгайлсан чин үүрэг бүхий төрөлжсөн мэргэжлийн албад, аймаг, хотод цагдан сэргийлэх анги бий болж үйл ажиллагаа нь өргөжсөн юм.

Шинэ тутам батлагдан гарсан замын хөдөлгөөний дүрмийг сурталчилж буй байдал. 1949 он

БНМАУ-ын ДЯЯ-ны сайдын 1952 оны 755 дугаар тушаалаар Улсын хэмжээнд автомашин, мотоциклын улсын дугаар, гэрчилгээг шинэчлэн солих шийдвэр гаргажээ

Сайд нарын зөвлөлийн 1965 оны 02 дугаар сарын 11-ний өдрийн тогтоолоор гудамж талбайд нийгмийн хэв журам сахиулах үндсэн үүрэг бүхий 100 гаруй алба хаагч, 40 орчим агт морьдтой гурван салаа "ЭРГҮҮЛ РОТ" -ыг нийслэлийн цагдан сэргийлэх газрын  харьяанд байгуулжээ.

Цагдаагийн байгууллагын тугийн түүх 1966 онд Цагдан сэргийлэх байгууллагын 45 жилийн  ойг тохиолдуулан БНМАУ-ын Ардын Их Хурлын тэргүүлэгчдийн зарлигаар Улсын Цагдан сэргийлэх байгууллагыг "БАЙЛДААНЫ ГАВЬЯАНЫ УЛААН ТУГИЙН ОДОН"-гоор шагнасныг МАХН-ын Төв хорооны улс төрийн товчооны гишүүн, БНМАУ-ын Ардын Их Хурлын тэргүүлэгчдийн дарга Ж..Самбуу гардуулж  Цагдан сэргийлэх байгууллагын улаан туг дээр зүүж өгсөн түүхтэй.

Морьт болон нохойт эргүүл 1970 он

Цагдан сэргийлэх байгууллагын 50 жилийн ойг тохиолдуулан МАХН-ын Төв Хороо, БНМАУ-ын Ардын их хурлын төлөөлөл, Сайд нарын зөвлөлөөс цагдан сэргийлэх байгууллагад үүрд хадгалуулах улаан туг, дипломыг МАХН-ын Төв Хорооны нэгдүгээр нарийн бичгийн дарга, Сайд нарын Зөвлөлийн дарга , Ю.Цэдэнбал, БНМАУ-ын НАХЯ-ны сайд, хошууч генерал Б.Дэжид УЦСЕГ-н дарга, хошууч генерал С.Бүдрагчаа нарт гардуулан өгчээ

Герман улсаас ирсэн "Бартург" машиныг хүлээн авч буй нь 1974 он

Мото-Эргүүл 1977 он

Цагдаагийн хөдөлгөөн эргүүл 1980 он

1990 онд болсон улс төр, нийгэм, эдийн засгийн шинэтгэлийн хүрээнд засгийн газрын шийдвэрээр улсын цагдан сэргийлэх ерөнхий газрыг цагдаагийн ерөнхий газар болгон өөрчлөн зохион байгуулсан.