Орчин цагийн Цагдаагийн байгууллага үүсэж хөгжсөний 104, Дотоодын цэрэг үүсэж хөгжсөний 103 жилийн ой, “Цагдаа, дотоодын цэргийн алба хаагчдын өдөр”-ийг тохиолдуулан эрхэлсэн ажилдаа идэвх, зүтгэл, үр бүтээл гарган ажиллаж байгаа алба хаагчдад шагнал гардуулах үйл ажиллагаа өнөөдөр /2025.07.18/ Цагдаагийн ерөнхий газарт зохион байгуулагдлаа.

Энэхүү арга хэмжээнд Цагдаагийн ерөнхий газрын дарга, Дотоодын цэргийн командлагч, бригадын генерал Т.Сүхболд болон зөвлөлийн гишүүд, алба хаагчид оролцов.

Ийнхүү тэмдэглэлт өдрөөр “Цэргийн гавьяаны улаан тугийн одон”-2, “Хөдөлмөрийн гавьяаны улаан тугийн одон”-1, “Цэргийн гавьяаны одон”-5, “Цэргийн хүндэт медаль”-17, “Цагдаагийн алдар” хүндэт тэмдэг-1, “Цагдаагийн гавьяа” тэмдгээр 2, нийт 28 алба хаагч шагнагдаж энгэрээ мялаалаа.

Мөн “Цагдаагийн хурандаа”-4, “Цагдаагийн дэд хурандаа”-4, “Цагдаагийн хошууч”-3, “Цагдаагийн ахмад”-2, “Цагдаагийн ахлах дэслэгч”-2, “Цагдаагийн дэслэгч”-9, “Цагдаагийн сургагч ахлагч”-2, “Дэслэгч”-2, нийт 28 алба хаагчид хугацааны болон зэрэг дэв дээгүүр цол олгосон юм.

Шагнагдсан нийт алба хаагчдад баяр хүргэж, цаашдын ажилд нь амжилт хүсье.

Цагдаа, дотоодын цэргийн байгууллагын яруу алдар үүрд мандан бадраг!