Тус цагдаагийн газар нь Монгол Улсын Засгийн газрын үйл ажиллагааны мөрийн хөтөлбөр, Хууль зүй, дотоод хэргийн яам, цагдаагийн байгууллагын шинэчлэлийн бодлого, дэвшүүлсэн зорилтыг хэрэгжүүлж, гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажлын арга, хэлбэрийг боловсронгуй болгох, олон нийт-цагдаагийн хамтын ажиллагааг сайжруулах, хийж хэрэгжүүлсэн ажлаа олон нийтэд хүргэн сурталчлах, цагдаагийн үйлчилгээг иргэдэд шуурхай, хүртээмжтэй хүргэх, алба хаагч бүрийн ажлын бүтээлч чанар, үр дүнг ахиулж, аюулгүй байдал, нийгмийн баталгааг хангах, цагдаа, дотоодын цэргийн байгууллагаас 2023 онд дэвшүүлсэн зорилтыг хангахад үйл ажиллагаагаа чиглүүлэн ажиллалаа. “Цагдаа, дотоодын цэргийн байгууллагаас 2022 онд хяналтад авч, хэрэгжилтийг хангах, хяналт-шинжилгээ, үнэлгээ хийх, биелэлт, үр дүнг тооцох баримт бичгийн жагсаалтаас Хэнтий аймгийн цагдаагийн газарт хамаарах баримт бичгийн жагсаалт”-аас 115 баримт бичгийг хэрэгжүүлэхээр жагсаалт гарган сар, улирлаар хэрэгжилтийг хангаж, биелэлтэд хяналт-шинжилгээ, үнэлгээ хийлгэхээр холбогдох нэгжүүдэд хүргэсэн.

Энэ онд цагдаагийн газрын гүйцэтгэлийн төлөвлөгөөг 5 зорилт, 40 ажил, арга хэмжээг зохион байгуулахаар боловсруулан цагдаагийн ерөнхий газрын даргаар батлуулж, хэрэгжилтийг 91.0 хувьтай, Хэнтий аймгийн Засаг дарга, цагдаагийн газрын дарга нарын 2023 оны хамтын ажиллагааны гүйцэтгэлийн төлөвлөгөөг батлуулж, хэрэгжилтийг 90.0 хувьтай тус тус дүгнэсэн байна.