Нийтийн хэв журам хамгаалах, олон нийтийн аюулгүй байдлыг хангах алба нь Цагдаагийн албаны тухай хуулийн 11,12 дугаар зүйл, 13,14 дүгээр зүйлийн хамаарах чиг үүргүүдийг хэрэгжүүлэх, харьяа нэгж, нутаг дэвсгэр хариуцсан цагдаагийн байгууллагыг мэргэжил, арга зүйн удирдлагаар хангах, хяналт тавих, үйл ажиллагааны үр дүнг тооцох үндсэн чиг үүргийг хэрэгжүүлнэ. 

Захиргааны удирдлагын газар
Дээд шатны байгууллага, албан тушаалтнаас гаргасан шийдвэрийн дагуу Нийтийн хэв журам хамгаалах, олон нийтийн аюулгүй байдлыг хангах чиглэлээр хэрэгжүүлэхээр тусгагдсан ажил, арга хэмжээний төлөвлөгөөг боловсруулах, хэрэгжилтийг хангах, биелэлт үр дүнг тооцох, тайлагнах, мэргэжлийн удирдлага, зохион байгуулалтаар хангах, байгууллагын удирдлагын үйл ажиллагаанд дэмжлэг үзүүлэх, хүний нөөцийн бодлого боловсруулж, алба хаагч, ажилтныг сургаж бэлтгэх, тэдний мэдлэг чадварыг дээшлүүлэх арга хэмжээг байгууллагын хэмжээнд нэгтгэн зохион байгуулах, мэргэжил арга зүйн удирдлагаар хангах, алба хаагчийн хууль ёсны эрх, ашгийг хамгаалах, Цагдаагийн албаны тухай хуульд заасан нийтийн хэв журам хамгаалах, олон нийтийн аюулгүй байдлын хангах чиг үүргийн бүтцийн нэгжийн үйл ажиллагааны харилцан уялдааг хангах ажлыг зохион байгуулан ажиллаж байна.

Нийтийн хэв журам хамгаалах хэлтэс
Цагдаагийн албаны тухай хуулиар хүлээсэн Нийтийн хэв журам хамгаалах чиг үүргийг улсын хэмжээнд нэгтгэн зохион байгуулж, харьяа нэгж, нутаг дэвсгэр хариуцсан цагдаагийн байгууллагыг мэргэжил, арга зүйн удирдлагаар хангах харилцан уялдаа бүхий цогц арга хэмжээг хэрэгжүүлж, гүйцэтгэлд хяналт тавьж ажиллана. Үүнд:
- Гудамж, талбай болон нийтийн эзэмшлийн бусад газарт эргүүл хийх, байнгын болон түр ажиллагаатай хянаж-нэвтрүүлэх цэг ажиллуулах дууны, дүрсний, дуу-дүрсний бичлэг, бусад арга, техник хэрэгсэл ашиглан хяналт тавих;
- Гэрээт харуулын болон хувийн хамгаалалтын үйл ажиллагаанд хяналт тавих, холбогдох хууль тогтоомжийн хэрэгжилтийг хангах;
- Цагдаа, дотоодын цэргийн анги, байгууллагын албаны галт зэвсэг, галт хэрэглэл ашиглалт, хадгалалт, хамгаалалт
- Хэсгийн байцаагч, олон нийтийн цагдааг мэргэжил, арга зүйгээр хангах.
- Иргэн, хуулийн этгээд галт зэвсэг өмчлөх, эзэмших, ашиглах болон галт зэвсэг, сум хэрэгсэл үйлдвэрлэх, захиалах, худалдах, тээвэрлэх журмын биелэлтэд хяналт тавих;
- Гээгдэл эд хөрөнгө, мөнгийг бүртгэх, шаардлагатай бол хадгалах, хууль ёсны эзэмшигчид нь олгох, хэрэв хууль ёсны эзэмшигч олдохгүй бол төрийн, эсхүл орон нутгийн холбогдох байгууллагад шилжүүлэх асуудлыг шийдвэрлэх;
- Эрүүлжүүлэх, саатуулах байрны үйл ажиллагаанд хяналт тавих, эдгээрийг хэрэгжүүлэх бодлого, арга зүй, үйл ажиллагааны төлөвлөгөө, стандарт, дүрэм, журам, заавар, зөвлөмж боловсруулах, боловсронгуй болгох, биелэлтийг хангах;
- Цагдаа, дотоодын цэргийн анги, байгууллагын албаны тусгай хэрэгслийн ашиглалт, хадгалалт, хамгаалалт

Олон нийтийн аюулгүй байдлыг хангах хэлтэс
Цагдаагийн албаны тухай хуулиар хүлээсэн Олон нийтийн аюулгүй байдлыг хангах чиг үүргийг улсын хэмжээнд нэгтгэн зохион байгуулж, харьяа нэгж, нутаг дэвсгэр хариуцсан цагдаагийн байгууллагыг мэргэжил, арга зүйн удирдлагаар хангах харилцан уялдаа бүхий цогц арга хэмжээг хэрэгжүүлж, гүйцэтгэлд хяналт тавьж ажиллана. Үүнд:
- Нийтийн эмх замбараагүй байдал үүссэн, террорист халдлага гарсан, онц болон дайны байдал зарласан үед дэг журам сахиулах, эмнэлгийн яаралтай тусламж үзүүлэх бүх талын арга хэмжээ авах;
- Эрх бүхий албан тушаалтны шийдвэрээр жагсаал, цуглааныг албадан тараах ажиллагааг гүйцэтгэх;
- Гамшиг, аюулт үзэгдэл, осол тохиолдсон, аюул үүссэн үед хорио цээрийн дэглэмийг сахиулах, амь нас, эрүүл мэнд нь онц аюултай нөхцөлд байгаа хүнд тусламж үзүүлэх;
- Дипломат төлөөлөгчийн газар, Улсын онц чухал объектыг хамгаалах.
- Шаардлагатай тохиолдолд улсын онц чухал болон хүний амь нас, эрүүл мэнд, байгаль экологийн тэнцвэрт байдалд шууд хохирол учруулах эрсдэлтэй болон гэмт халдлагад өртөж болзошгүй бусад обьект, ачаа тээшийг түр хугацаагаар хамгаалах.
- Төрийн тусгай хамгаалалтын тухай хууль тогтоомжид заасан үүрэг гүйцэтгэх.
- Шүүх, шүүгчийн аюулгүй байдлыг хангах, яллагдагч, шүүгдэгч, ялтныг цагдан хорих байрнаас шүүх хуралдаанд, шүүх хуралдаанаас цагдан хорих байранд хуяглан хүргэх,
- Цагдаа, дотоодын цэргийн анги, байгууллагын алба хаагчийг энхийг дэмжих ажиллагаанд оролцуулах ажлыг зохион байгуулах.

Дүн шинжилгээ, хяналт шалгалтын хэлтэс
Тус хэлтэс нь албаны болон харьяа нэгжийн алба хаагчдын сахилга бат, хариуцлагыг дээшлүүлэх, ёс зүйн зөрчил гарахаас урьдчилан сэргийлэх, Нийтийн хэв журам хамгаалах, олон нийтийн аюулгүй байдлыг хангах албаны харъяа нэгжүүдийн үйл ажиллагаанд дүн шинжилгээ, хяналт шалгалт явуулах чиглэлээр удирдлага, зохион байгуулалтаар хангаж, үйл ажиллагаанд нь хяналт тавих, байгууллагын дотоод аюулгүй байдал, алба хаагчдын хөдөлмөрийн аюулгүй байдлыг хангах, алба хаагч, ажиллагсдын эрх, хууль ёсны ашиг сонирхолыг хамгаалах, нийтийн хэв журам хамаарах ажилд төлөвлөгөөт болон төлөвлөгөөт бус шалгалтыг хийж, зөрчил дутагдал засуулах мэргэжил арга зүйгээр хангах чиг үүргийг хэрэгжүүлэн ажиллаж байна.

Хамгаалалт зохицуулалтын газар
Эргүүл, хамгаалалтын газар нь Засгийн газрын 2017 оны 281 дугаар тогтоолын хавсралтаар баталсан Цагдаа, дотоодын цэргийн хамгаалалтад авах “Улсын онц чухал обьектын жагсаалт”-ын дагуу дипломат төлөөлөгчийн газрууд, улсын онц чухал объект, Монгол банк, шүүхийн байрны 24 цагийн харуул хамгаалалтыг зохион байгуулан, шүүн таслах ажиллагааны хэвийн нөхцөлийг хангаж, төр, засгийн тэргүүн, төрийн ёслол, хүндэтгэлийн арга хэмжээний үеийн аюулгүй байдлыг хангах, нийтийн хэв журам хамгаалах, олон нийтийн аюулгүй байдлыг хангах хамгаалалтыг зохион байгуулах, байгалийн гамшиг, үйлдвэрлэлийн осол, гал түймэр, хүн, малын гоц халдварт өвчин гарсан, гэнэтийн аюул тохиолдсон үед хорио цээрийн дэглэм сахиулах, нийтийн эмх замбараагүй байдал үүссэн үед хэв журам сахиулах, эрх бүхий албан тушаалтны шийдвэрээр жагсаал, цуглааныг албадан тараах үйл ажиллагааг зохион байгуулах чиг үүргийг хэрэгжүүлэн ажиллаж байна.

Дипломат байгууллага, банк хамгаалах хэлтэс
Дипломат төлөөлөгчийн газар, улсын онц чухал объектыг хамгаалах чиг үүргийн хүрээнд Монгол Улсад суугаа гадаад орнуудын Элчин сайдын яамд, Нэгдсэн Үндэстний Байгууллагын суурин төлөөлөгчийн газар, Улсын бүртгэлийн ерөнхий газар, Үнэт цаасны төлбөр тооцоо, төвлөрсөн хадгаламжийн төв, Монгол банкны төв байрны аюулгүй байдлыг хангах харуул, хамгаалалтыг 24 цагаар зохион байгуулан ажиллаж байна.

Төрийн хамгаалалтын хэлтэс
Цагдаагийн албаны тухай хуулий 12 дугаар зүйлд заасан олон нийтийн аюулгүй байдлыг хангах чиг үүргийн хүрээнд төр, засгийн тэргүүн, төрийн ёслол, хүндэтгэлийн арга хэмжээний үеийн аюулгүй байдлыг хангах, нийтийн хэв журам хамгаалах, олон нийтийн аюулгүй байдлыг хангах хамгаалалтыг зохион байгуулах, Монгол Улсын Ерөнхийлөгч, Улсын Их Хурлын дарга, Ерөнхий сайд нар нийслэл Улаанбаатар хотод төрийн болон төрийн бус байгууллага, аж ахуйн нэгжид ажиллах, олон нийтийн арга хэмжээнд оролцох үеийн хамгаалалтыг зохион байгуулан ажиллаж байна. ​​​​​​​

 Ажиллагааны хэлтэс
Цагдаагийн албаны тухай хуулийн 12 дугаар зүйлд заасан олон нийтийн аюулгүй байдлыг хангах чиг үүргийн хүрээнд нийтийг хамарсан арга хэмжээ, жагсаал, цуглааны үеийн хамгаалалт, гамшиг, аюулт үзэгдэл, осол тохиолдсон, аюул үүссэн үед хорио цээрийн дэглэмийг сахиулах, амь нас, эрүүл мэнд нь онц аюултай нөхцөлд байгаа хүнд тусламж үзүүлэх, нийтийн эмх замбараагүй байдал үүссэн, террорист халдлага гарсан, онц болон дайны байдал зарласан үед дэг журам сахиулах, эрх бүхий албан тушаалтны шийдвэрээр жагсаал, цуглааныг албадан тараах ажиллагааг гүйцэтгэх ажлыг зохион байгуулан ажиллаж байна. ​​​​​​​

Шүүх, шүүгчийн аюулгүй байдлыг хангах хэлтэс
Цагдаагийн албаны тухай хуулийн 12 дугаар зүйлд заасан олон нийтийн аюулгүй байдлыг хангах чиг үүргийн хүрээнд шүүхийн барилга, байгууламжийн аюулгүй байдлыг хангах хамгаалалтыг зохион байгуулах,шүүгч, шүүх хуралдааны болон шүүх хуралдаанд оролцогчдын аюулгүй байдлыг хангах, сэжигтэн, яллагдагч, шүүгдэгчийг цагдан хорих байрнаас шүүхэд, шүүхээс цагдан хорих байранд хуяглан хүргэх, шүүхийн тогтоол, шүүгчийн захирамжийн дагуу хохирогч, гэрч, хариуцагч, шүүгдэгч, яллагдагчийг шүүхэд албадан ирүүлэх ажлыг зохион байгуулан ажиллаж байна.v