Цагдаагийн ерөнхий газар, Бүгд Найрамдах Турк Улсын хамтын ажиллагааны зохицуулах агентлаг /ТИКА/-аас 2019.06.24-28-ны өдрүүдэд сургалт зохион байгуулахаар болжээ.

Уг сургалтын нээлт өнөөдөр /2019.06.24/ Цагдаагийн ерөнхий газрын Мөрдөн байцаах албаны тэнхимд боллоо. Нээлтэд Цагдаагийн ерөнхий газрын дэд дарга, цагдаагийн хурандаа Ж.Болд, Захиргааны удирдлагын газрын дарга, цагдаагийн хурандаа Б.Бат-Өлзий, Эрүүгийн цагдаагийн албаны дарга, цагдаагийн хурандаа Б.Даваажав, Бүгд Найрамдах Турк Улсаас Монгол Улсад суугаа онц бөгөөд бүрэн эрхт элчин сайд болон бусад албаны хүмүүс оролцлоо.