Өвөрхангай аймгийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран улсын хэмжээнд хүүхдийн эрх, аюулгүй байдлыг хангах, гэмт хэрэг, зөрчлөөс урьдчилан сэргийлэх, хүүхдийн хүмүүжил, төлөвшил, хөгжил, эцэг, эхийн үүрэг, хариуцлагыг нэмэгдүүлэх, үе тэнгийн дээрэлхтэлтгүй харилцааг нийгмийн соёл болгон төлөвшүүлэх зорилгоор зохион байгуулагдаж байгаа "365 эвдрээгүй ирээдүйг бүтээе" нөлөөллийн аян, арга хэмжээний хүрээнд Ерөнхий боловсролын сургуулийн ахлах ангийн сурагчдын дунд "Үе тэнгийн дээрэлхэлтийг бууруулахад миний оролцоо" сэдэвт эсээ бичлэгийн уралдааныг зохион байгууллаа.

Уралдаанд Ерөнхий боловсролын 12 сургуулийн сурагчдаас ирсэн эсээнүүдээс “Тэргүүн” байрт Өвөрхангай аймгийн Арвайхээр сумын Ерөнхий боловсролын “Тэмүүлэл-Эрдэм” сургуулийн 11а ангийн сурагч О.Лхагвасүрэн, “Дэд” байрт Баянгол сумын Ерөнхий боловсролын сургуулийн 11б ангийн сурагч Б.Удвал, “Гутгаар” байрт Арвайхээр сумын Ерөнхий боловсролын 2 дугаар сургуулийн 10б ангийн сурагч А.Ган-Эрдэнэ нар шалгарч, “Өргөмжлөл”, мөнгөн шагналаар шагнуулав.

Шилдгээр тодорсон сурагчдадаа баяр хүргэж, сурлага, урлаг, спортын өндөр амжилт хүсье.