Цагдаагийн ерөнхий газар  Монголын мэргэшсэн нягтлан бодогчдын  институттэй  хамтран мэргэшсэн нягтлан бодогчийн эрх олгох шалгалтанд бэлтгэх 116 цагийн хичээл сургалтыг зохион байгууллаа.

Сургалтад  Цагдаагийн ерөнхий газар, түүний харъяа газар,  Улаанбаатар хотын Цагдаагийн газар болон дүүргийн цагдаагийн газар, хэлтэс, орон нутгийн цагдаагийн газар, хэлтэс, хууль зүй, дотоод хэргийн яамны харъяа агентлагын төлөөлөл нийт 30 гаруй санхүүгийн ажилтан хамрагдан  “Санхүүгийн тайлан гаргах арга зүйн цогц бодлого”, “Мэдээллийн технологи, ур чадвар”, “Ёс зүй, мэргэжлийн үнэ цэнэ” хичээлүүдийн сорил шалгалт өгч тэнцэн “БАТЛАМЖ” гардан авлаа.