Баянзүрх дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, дүүрэг дэх цагдаагийн 1, 2, 3 дугаар хэлтэстэй хамтран “Гэмт хэргээс урьдчилан сэргийлэх ажилд иргэд, төрийн болон төрийн бус байгууллагуудын хамтын ажиллагааг сайжруулах нь” үйл ажиллагааг хоёр үе шаттайгаар зохион байгуулж байна. 

Өнөөдөр /2018.10.18/ үйл ажиллагааны эхний үе буюу “Хүний эрүүл мэнд халдашгүй байдлын эсрэг гэмт хэргээс урьдчилан сэргийлэх нь” хэлэлцүүлэг “Жанжин” клубт болж дүүргийн төрийн болон төрийн бус байгууллага, иргэдийн төлөөлөл оролцож гэмт хэргээс урьдчилан сэргийлэх ажилд хэрхэн хамтарч ажиллах тухайгаа хэлэлцсэн юм. Нийслэлийн Баянзүрх дүүрэг нь хүн амын нягтаршил ихтэй үүнийгээ дагаад гэмт хэрэг, зөрчлийн гаралт өндөртэй байдаг. Тиймээс гэмт хэргээс урьдчилан сэргийлэх ажилд төрийн болон төрийн бус байгууллага, иргэдийн оролцоо, хувь нэмэр чухал гэдгийг хэлэлцүүлэгт оролцогчид онцолж байлаа.

Энэхүү хэлэлцүүлгийн үеэр иргэдээс гаргасан санал, санаачилгуудыг үндэслэн зөвлөмж боловсруулах, тодорхой үйл ажиллагаануудыг зохион байгуулах төлөвлөгөө, чиглэл гаргаж эрх бүхий байгууллага, албан тушаалтнуудад уламжлах, тэдний дэмжлэгийг авч бодит ажил болгон хэрэгжүүлж ажиллах юм байна.