Цагдаагийн ерөнхий газраас 2016-2021 онд НҮБ-ын Хүн амын сантай хамтран ажиллах “Санамж бичиг”-ийн хүрээнд “Жендэрт суурилсан хүчирхийлэлтэй тэмцэх төсөл”-ийг хэрэгжүүлэн ажиллаж байгаа билээ.

Цагдаагийн ерөнхий газрын Урьдчилан сэргийлэх хэлтсээс санаачлан нутаг дэвсгэр хариуцсан цагдаагийн байгууллагын урьдчилан сэргийлэх болон гэр бүлийн хүчирхийлэл, хүүхдийн эсрэг гэмт хэргээс урьдчилан сэргийлэх ажил хариуцсан алба хаагч, сэтгэл зүйч нарт сургалт зохион байгуулж байна. Алба хаагчдыг чадавхжуулах, мэдлэг, ойлголтын зөрүүг арилгах, энэ төрлийн гэмт хэрэг, зөрчилтэй тэмцэх, урьдчилан сэргийлэх чиглэлээр туршлага солилцох сургалт маргааш /2018.10.19/ мөн үргэлжилнэ.

Түүнчлэн “Жендэрт суурилсан хүчирхийлэлтэй тэмцэх төсөл”-ийн хүрээнд хийгдсэн гэр бүлийн хүчирхийллийн дуудлага мэдээллийн нэгдсэн систем /EGBV програм/-ийн үйл ажиллагаа, хохирогчид үзүүлэх үйлчилгээний талаарх мэдлэг, ур чадварыг нь дээшлүүлэх хичээлүүдийг заах юм. Дашрамд мэдээлэхэд, 2019 оны эхний есөн сарын байдлаар цагдаагийн байгуулагад 643.638 дуудлага, мэдээлэл бүртгэгдсэнээс гэр бүлийн хүчирхийллийн дуудлага мэдээлэл 53.719 бүртгэгджээ.