Булган аймаг дахь цагдаагийн газраас санаачлан иргэдтэйгээ хамтран гудамж талбайг камержуулах ажлыг зохион байгуулжээ. 
Гэмт хэрэгтэй тэмцэх, урьдчилан сэргийлэх, олон нийтийн аюулгүй байдлыг хангах, нийтийн хэв журмыг хамгаалах чиглэлээр иргэдтэйгээ хамтран аймгийн Булган сумын 6-р багийн 9, 10-р гудамжыг камержуулсан байна. 

Аймгийн ИТХ-ын Тэргүүлэгчдийн 2016 оны 06 дугаар сарын 09-ний өдрийн 89 тоот тогтоолоор батлагдан гарсан “Сайн хөрш” хөтөлбөрийн хүрээнд иргэдийн оролцоотойгоор гудамж талбайд үйлдэгддэг танхай, дээрэм, булаалт, хүчин, гэр бүлийн хүчирхийлэлтэй холбоотой гэмт хэрэг, хулгайн гэмт хэрэг ялангуяа орон байрны хулгайн гэмт хэргийг илрүүлэх, таслан зогсооход сайн үр дүнтэй, жишиг ажил болжээ.