Экологийн цагдаагийн албанаас хүрээлэн байгаа орчны эсрэг гэмт хэрэг зөрчлөөс урьдчилан сэргийлэх илрүүлэх, таслан зогсоох чиглэлээр шалган нэвтрүүлэх 8 цэгт хяналт шалгалтыг энэ оны 09 дүгээр сарын 01-нээс 14-нийг хүртэл зохион байгууллаа.

Хяналт, шалгалтаар зөрчлийн шинжтэй 146 үйлдлийг илрүүлснээс тарвага хууль бусаар тээвэрлэсэн 6 /23ш/, зохих зөвшөөрөлгүй загас тээвэрлэсэн 3 /44ш/, зөвшөөрөлгүйгээр 35 орчим кг хуш модны самар тээвэрлэсэн 1 үйлдлийг тус тус илрүүлсэн. Мөн цагдаагийн байгууллагаас эрэн сурвалжилж байсан 6 этгээдийг олж тогтоон баривчиллаа.

Иргэн та хүрээлэн байгаа орчны эсрэг гэмт хэрэг, зөрчлийн талаарх мэдээллийг цагдаагийн байгууллагын 102, 70191070 тусгай дугаарын утсанд мэдээлж, байгаль орчноо хамгаалах үйлсэд хамтран ажиллана уу.