100 жил
ЦАГДААГИЙН АЛБА ХААГЧ НАР БУЯНЫ ҮЙЛСЭД БУСДЫГАА УРИАЛЛАА
2015-02-13 00:00:00
1851
ЦАГДААГИЙН АЛБА ХААГЧ НАР БУЯНЫ ҮЙЛСЭД БУСДЫГАА УРИАЛЛАА
ЦЕГ Мөрдөн шалгах ажиллагаанд дэмжлэг үзүүлэх мэргэжлийн газрын Дэмлэг үзүүлэх хэлтсийн цагдаагийн дэд хурандаа Д.Дугарсүрэн даргатай алба хаагч нар сар шинийн босгон дээр буяны үйлсэд бусдыгаа уриаллаа.
Тус газарт найман жил гаруй үр бүтээлтэй ажиллаж байгаад эрүүл мэндийн шалтгаанаар ажлаасаа гарч гэртээ өөрийн хоёр, эгч дүүгийнхээ 10-н хүүхдийг өсгөж хүмүүжүүлж байгаа бүсгүйд хамт олныхоо санаачлагаар чин сэтгэлийн дэмжлэг үзүүлэн сар шинийн баяраар хэрэглэх хэвийн боов, чихэр тэргүүтэн, хувцас хэрэгсэл, гурил будаа сахар гээд өдөр тутмын хэрэглээ болсон олон зүйлийг бэлэглэсэнд гэр бүлээрээ баярлаж байлаа.
Мөн тус хэлтсийн цахилгаанчин цахилгааны утсуудыг нь шинэчлэн аюулгүй байдлыг нь хангаж хэвийн болгож өгсөнд өрх толгойлсон бүсгүй баяртай байна. Цагдаагийн алба хаагч нарыгаа буяны үйлсэд уриалсан энэ сайхан үйл ажиллагаанд тус хэлтсийн 26-н алба хаагч оролцжээ.
Сайн үйлсийг бүтээсэн алба хаагч нартаа ажлын амжилт хүсье
