Төрийн цэргийн болон хууль сахиулах байгууллагын “Ахлагчийн албаны хөгжлийн хөтөлбөр”-ийг хэрэгжүүлэх ажлын хүрээнд цагдаа, дотоодын цэргийн анги, байгууллагуудын ахлагч бүрэлдэхүүний түвшин тогтоох үзлэгийг энэ оны 04 дүгээр сарын 08-28-ны өдрүүдэд зохион байгууллаа.

Уг үзлэгийг Цагдаагийн ерөнхий газрын ахлагчийн асуудал хариуцсан мэргэжилтэн, цагдаагийн сургагч ахлагч Н.Атарбат, Дотоодын цэргийн штабын ахлагч, тэргүүн ахлагч С.Сайнзаяа нараар ахлуулсан комиссын бүрэлдэхүүн хариуцан төрийн цэргийн болон хууль сахиулах байгууллагын ахлагч бүрэлдэхүүнийг хамрууллаа.

Энэхүү үзлэгээр алба хаагчдын хууль, эрх зүйн мэдлэг, цахим сан болон хэрэглээний программ ашиглах чадвар, сэтгэн бодох, оновчтой шийдвэр гаргах ур чадвар, бие бялдрын бэлтгэлжилтийн түвшнийг шалган үнэлэв.

Ингэснээр алба хаагчдын мэдлэг, ур чадвар, бие бялдрын бэлтгэлжилтийн бодит түвшнийг тодорхойлох, цаашид хөгжүүлэх чиглэл, хэрэгцээг тогтоох, улмаар байгууллагын хүний нөөцийн чадавхыг бэхжүүлэх чухал ач холбогдолтой юм.