Алба хаагчдын албандаа итгэх итгэл үнэмшлийг нэмэгдүүлэх, урам зориг өгөх, мэргэжлийн ур чадвар, хууль эрх зүйн мэдлэгийг дээшлүүлэх, хэсгийн байцаагчийн үйл ажиллагааг иргэд, олон нийтэд сурталчлан таниулах зорилготой “Шилдэг хэсгийн байцаагч-2026” тэмцээн амжилттай зохион байгуулагдаж өндөрлөлөө.

Тэмцээний нээлтийн ажиллагаанд Цагдаагийн ерөнхий газрын дарга, дотоодын цэргийн командлагч, хошууч генерал Ж.Болд, Нийслэлийн Гэмт хэргээс сэргийлэх ажлыг зохицуулах зөвлөлийн Ажлын албаны дарга Б.Оюу-Эрдэнэ, Чингэлтэй дүүргийн ИТХ-ын дарга Т.Уламбаяр, Цагдаагийн ерөнхий газрын Дэд дарга, цагдаагийн хурандаа М.Батсайхан оролцлоо.

Улсын хэмжээнд зохион байгуулагдсан тус тэмцээнд нийт 38 алба хаагч мэдлэг, ур чадвар, бие бялдар, мэргэжлийн бэлтгэлээрээ өрсөлдөж, дараах алба хаагчид шилдгээр шалгарлаа.

Нэгдүгээр байр – Сонгинохайрхан дүүргийн Цагдаагийн газрын 3 дугаар хэлтсийн хэсгийн байцаагч, цагдаагийн дэслэгч Э.Дэмбэрэлсүрэн

Хоёрдугаар байр – Баянгол дүүргийн Цагдаагийн газрын 1 дүгээр хэлтсийн хэсгийн байцаагч, цагдаагийн дэслэгч Ц.Цэлмүүнсолонго

Гуравдугаар байр – Дархан-Уул аймаг дахь Цагдаагийн газрын хэсгийн байцаагч, цагдаагийн хошууч Ө.Мөнхбат

Дөрөвдүгээр байр – Хэнтий аймаг дахь Цагдаагийн газрын хэсгийн байцаагч, цагдаагийн дэслэгч Б.Оюунбат

Тавдугаар байр – Сонгинохайрхан дүүргийн Цагдаагийн газрын 2 дугаар хэлтсийн хэсгийн байцаагч, цагдаагийн дэслэгч Б.Алтан-Өлзий нар тус тус шалгарлаа.

Тэмцээнд амжилттай оролцож, шилдгээр шалгарсан алба хаагчдадаа баяр хүргэж, цаашдын ажил хөдөлмөрт нь өндөр амжилт хүсье.