БУЛГАН АЙМГААС МЭДЭЭЛЖ БАЙНА

Гэмт хэрэгтэй тэмцэх, гэмт хэргээс урьдчилан сэргийлэх, олон нийтийн аюулгүй байдлыг хангах, нийтийн хэв журам хамгаалах чиглэлээр орон нутгийн хөрөнгө оруулалт 639,0 сая төгрөгийн өртөгтэйгээр Булган аймгийн Булган сумын төвд 33 цэгт 86 ширхэг хяналтын камер суурилуулах төсөл амжилттай  хэрэгжиж, ашиглалтанд хүлээн авах ёслолын арга хэмжээ 2014 оны 10 дугаар сарын 16-ны өдөр Булган аймгийн Булган сумын Цогтхунтайжийн талбайд зохион байгуулагдлаа.

Нээлтийн үйл ажиллагаанд аймгийн удирдлагууд, төрийн болон төрийн бус албан байгууллага, аж ахуйн нэгжийн удирдлага, Булган сумын иргэд, Цагдаагийн газрын бие бүрэлдэхүүн оролцлоо. Хяналтын камерийг ашиглалтанд оруулсанаар аймгийн төвд хулгайн гэмт хэрэг, тэр дундаа орон байрны хулгайн гэмт хэрэг, гудамж талбайд үйлдэгдсэн гэмт хэрэг, иргэдийн эрх чөлөө, эрүүл мэндийн эсрэг гэмт хэргийн гаралт буурч, илрүүлэлт өсөх чухал үр дүнтэй юм