Цагдаагийн ерөнхий газрын Урьдчилан сэргийлэх албаны 2026 нэгдсэн сургалт, зөвлөгөөн энэ оны 04 дүгээр сарын 15,16-ны өдрүүдэд амжилттай зохион байгуулагдаж өндөрлөлөө.

Сургалтын хүрээнд “Урьдчилан сэргийлэх ажил”, “Дижитал шилжилт: өнөөгийн нөхцөл байдал, цаашдын чиг хандлага”, “Хүүхдийн эрх, аюулгүй байдлыг хамгаалахад төрийн байгууллагуудын үүрэг, оролцоо” зэрэг нийт 9 сэдвээр илтгэл, хэлэлцүүлэг өрнүүлж, энэ оны үйл ажиллагааны төлөвлөгөөг тодорхойлон, зорилт, чиглэлээ бататгалаа.

Зөвлөгөөний үеэр хамт олноо манлайлан, идэвх зүтгэл гарган ажилласан алба хаагчдыг шагнаж урамшуулсан юм. Үүнд:

“Цагдаагийн гавьяа” тэмдгээр:

Өмнөговь аймгийн цагдаагийн газрын Урьдчилан сэргийлэх, шуурхай удирдлагын тасгийн Гэр бүлийн хүчирхийллээс урьдчилан сэргийлэх хэлтсийн ахлах мэргэжилтэн, цагдаагийн хошууч Ж.Буянтогтох;

Цагдаагийн ерөнхий газрын “Хүндэт жуух” бичгээр;

Урьдчилан сэргийлэх албаны Гэмт хэрэг, зөрчлөөс урьдчилан сэргийлэх хэлтсийн Урьдчилан сэргийлэх, дүн шинжилгээний тасгийн ахлах мэргэжилтэн, цагдаагийн ахмад Г.Хулан;

Сонгинохайрхан дүүргийн цагдаагийн газрын гуравдугаар хэлтсийн Урьдчилан сэргийлэх, шуурхай удирдлагын тасгийн хүүхдийн асуудал хариуцсан ахлах мэргэжилтэн, цагдаагийн ахлах дэслэгч Э.Баярбат;

"Баярын бичиг"-ээр:

Урьдчилан сэргийлэх албаны Хэвлэл мэдээлэл, олон нийттэй харилцах хэлтсийн мэдээлэл дүрсжүүлэх хэсгийн сэтгүүлч, редактор, цагдаагийн дэслэгч Б.Бямбасүрэн;

Сүхбаатар дүүргийн цагдаагийн газрын хоёрдугаар хэлтсийн Урьдчилан сэргийлэх, шуурхай удирдлагын тасгийн дарга, цагдаагийн дэд хурандаа Х.Даваадорж;

Багануур дүүргийн цагдаагийн хэлтсийн Урьдчилан сэргийлэх, шуурхай удирдлагын тасгийн урьдчилан сэргийлэх ажил хариуцсан ахлах мэргэжилтэн, цагдаагийн хошууч А.Солонго;

Дорнод аймгийн цагдаагийн газрын Урьдчилан сэргийлэх, шуурхай удирдлагын тасгийн гэр бүлийн хүчирхийллээс урьдчилан сэргийлэх ахлах мэргэжилтэн, цагдаагийн ахмад Г.Тэмүүжин нарыг тус тус шагнасан юм.

Сургалт, зөвлөгөөндөө идэвхтэй хамрагдсан Та бүхний цаашдын ажилд нь амжилт хүсье.