Чөлөөт бөхийн насанд хүрэгчдийн Ази тивийн аварга шалгаруулах тэмцээн Кыргызстан Улсын Бишкек хотноо энэ оны 04 дүгээр сарын 06-14-ний өдрүүдэд зохион байгуулагдлаа.

Монгол Улсын гавьяат тамирчин, Цагдаа, дотоодын цэргийн Сургалтын нэгдсэн төвийн Хүч-Албаны бэлтгэлжилтийн хэлтсийн дасгалжуулагч, цагдаагийн дэслэгч Т.Тулга эрэгтэйчүүдийн 70 кг жинд 3 дахь удаагаа мөнгөн медаль;

Эмэгтэйчүүдийн 68 кг жинд Монгол Улсын Хөдөлмөрийн гавьяаны улаан тугийн одонт, олон улсын хэмжээний мастер, Хүч-Албаны бэлтгэлжилтийн хэлтсийн туслах дасгалжуулагч, цагдаагийн дэд ахлагч Э.Дэлгэрмаа 5 дахь удаагаа хүрэл медаль хүртлээ.

Тэмцээнд амжилттай оролцсон алба хаагчдадаа баяр хүргэж, цаашдын ажил үйлс, спортод амжилт хүсье.