Монгол Улсын Засгийн газрын 2025 оны “Улсын үзлэг зохион байгуулах тухай” 23 дугаар тогтоолын дагуу Цагдаагийн ерөнхий газарт явуулсан улсын үзлэгийн дүнгээр байгууллагын үйл ажиллагаанд илэрсэн зарим зөрчил, дутагдлыг арилгах, сайжруулах талаар өгсөн зөвлөмжийн хэрэгжилтийг хангах зорилгоор “Баримт бичгийн стандарт” сэдэвт сургалт өнөөдөр /2026.04.15/ зохион байгуулагдлаа.

Сургалтыг Архивын ерөнхий газрын Мэргэжил, арга зүйн удирдлагын газрын ахлах мэргэжилтэн Ц.Золжаргал удирдан явуулж, цагдаа, дотоодын цэргийн 111 анги, байгууллагын 832 алба хаагч танхим болон цахимаар хамрагдав.

Тус сургалт нь архив, албан хэрэг хөтлөлттэй холбоотой хууль тогтоомж, дүрэм, стандартын хэрэгжилтийг хангах, баримт бичгийг зохих шаардлагын дагуу боловсруулах, бүрдүүлэх, хөтлөх, тамга, тэмдэг хэрэглэх, хадгалах үйл ажиллагааг сайжруулах, алба хаагчдын мэргэжлийн мэдлэг, ур чадварыг дээшлүүлэх ач холбогдолтой юм.