Цагдаагийн ерөнхий газрын Урьдчилан сэргийлэх албаны 2026 нэгдсэн сургалт, зөвлөгөөний нээлт өнөөдөр /2026.04.15/ боллоо. Энэхүү зөвлөгөөнөөр гэмт хэрэг, зөрчлийн судалгаа, дүн шинжилгээнд тулгуурлан урьдчилан сэргийлэх ажлыг эрчимжүүлэх, гэр бүлийн хүчирхийлэл болон хүүхдийн эсрэг гэмт хэрэгтэй тэмцэх, хүүхдийн эрхийн хууль тогтоомжийн хэрэгжилтийг хангах, хамтын ажиллагааг бэхжүүлэх, тулгамдсан асуудлыг хэлэлцэн цаашдын бодлого, зорилтыг тодорхойлох зорилготой.

Зөвлөгөөний нээлтийн үйл ажиллагаанд Цагдаагийн ерөнхий газрын Тэргүүн дэд дарга, цагдаагийн хурандаа Б.Ганчулуун, Урьдчилан сэргийлэх албаны дарга, цагдаагийн дэд хурандаа А.Амарбат, Нийслэлийн цагдаагийн удирдах газрын дарга, Монгол Улсын гавьяат хуульч, цагдаагийн хурандаа Г.Арсланхуяг болон урьдчилан сэргийлэх, гэр бүл, хүүхдийн асуудал хариуцсан нутаг дэвсгэр хариуцсан цагдаагийн байгууллагын нийт 200 алба хаагч оролцож байна.

Сургалтаар “Урьдчилан сэргийлэх ажил”, “Дижитал шилжилт-өнөөгийн нөхцөл байдал, цаашдын чиг хандлага”, “Хүүхдийн эрх, аюулгүй байдлыг хамгаалахад төрийн байгууллагуудын үүрэг, оролцоо” зэрэг 9 сэдвээр илтгэл хэлэлцүүлэх юм.

Энэхүү сургалт, зөвлөгөөн нь урьдчилан сэргийлэх ажлын үр нөлөөг нэмэгдүүлэх, алба хаагчдын мэдлэг, ур чадварыг дээшлүүлэх, байгууллагуудын хамтын ажиллагааг бэхжүүлэхэд чухал ач холбогдолтой билээ.