Орчин цагийн цагдаагийн байгууллага үүсэж хөгжсөний 105 жил, Нийслэлийн цагдаагийн газрын 100 жилийн тэгш ойг тохиолдуулан алба хаагчдын бие бялдрыг хөгжүүлэх, эрүүл мэндийг дэмжих, хамтын ажиллагаа, байгууллагын уялдаа холбоог бэхжүүлэх зорилгоор гар бөмбөгийн тэмцээн зохион байгуулагдаж байна.

Уламжлал болгон зохион байгуулагддаг 24 дэх удаагийн тэмцээнд 33 анги, байгууллагын 47 багийн 460 гаруй тамирчид оролцож хурд, хүч, авхаалж самбаагаа сорин өрсөлдөж байгаагаас 28 багийн 270 гаруй эмэгтэй тамирчид оролцож байгаа нь өмнөх жилүүдээс онцлогтой байв.

Тус тэмцээн нь алба хаагчдын чөлөөт цагийг зөв боловсон өнгөрүүлэх, бие бялдар, сэтгэл зүйн бэлтгэлийг сайжруулах, ажлын ачааллыг бууруулж стресс тайлах, ажлын бүтээмж нэмэгдүүлэх зорилготой, багийн спортын онцлогоор дамжуулан харилцан итгэлцэл, сахилга хариуцлага, хамтын ажиллагааг бэхжүүлж, алба хаагчдын байгууллагадаа хандах хандлага, уур амьсгалыг эерэг болгох ач холбогдолтой.

Тэмцээн хоёр өдрийн турш үргэлжлэх бөгөөд өнөөдөр нээлтээ хийж, баг тамирчид спортын ур чадвар, хурд хүч, авхаалж самбаагаа сорин өрсөлдөөнөө эхлүүллээ.

Нийт оролцож буй алба хаагчдадаа амжилт хүсье.