Цагдаагийн албаны тухай, Гэмт хэрэг, зөрчлөөс урьдчилан сэргийлэх тухай хуулиуд, Монгол Улсын стандарт “Зочид буудалд тавих ерөнхий шаардлага MNS 4588:2008”, “Дэн буудлын ерөнхий шаардлага МNS 5738:2007”-т зааснаар зочид буудал (дэн буудал) бүр бүртгэлийн нэгдсэн сүлжээтэй байж, ирсэн зочдыг 24 цагийн турш хүлээн авч бүртгэнэ” гэсэн заалтуудыг үндэслэн нийтийн байр, зочид буудал (дэн буудал)-аар үйлчлүүлж буй иргэдийг бүртгэх нэгдсэн системийг хэрэглээнд оруулах замаар гэмт хэрэг, зөрчлөөс урьдчилан сэргийлэх, эрэн сурвалжлагдаж буй этгээдийг олж тогтоох, гэмт хэрэг илрүүлэх зорилгоор “Нийтийн бүртгэл” системийг хөгжүүлсэн.

Хүний хувийн мэдээлэл хамгаалах тухай хуульд зааснаар төрийн эрх бүхий байгууллага гэмт хэрэг, зөрчилтэй тэмцэх, шалган шийдвэрлэх ажиллагаандаа иргэний мэдээллийн нууцлалыг ханган ажилладаг.

Өнгөрөгч онд зочид буудал (дэн буудал)-д 488, нийтийн байранд 355 удаагийн хүний амьд явах эрхийн эсрэг гэмт хэрэг, гэр бүлийн хүчирхийлэл, хулгай, бусдын эрүүл мэндэд халдах, танхайрах болон дээрмийн гэмт хэрэгт тус тус бүртгэгдсэн ба “Нийтийн бүртгэл” системийг хөгжүүлснээр уг системд бүртгэлтэй 478 байгууллагаар үйлчлүүлсэн эрэн сурвалжлагдаж байсан 611 иргэнийг олж тогтоосон.