Цагдаагийн ерөнхий газрын Урьдчилан сэргийлэх албаны Хүүхдийн эсрэг гэмт хэрэг, зөрчлөөс урьдчилан сэргийлэх хэлтэс Нийслэлийн боловсролын газартай хамтран “Сургуулийн орчинд хүүхдийн эрх, аюулгүй байдлыг хангахад анхаарах асуудал” сэдэвт уулзалт, зөвлөгөөнийг /2026.04.06/ зохион байгууллаа.

Уулзалт, зөвлөгөөн нь сургуулийн орчинд хүүхэд үе тэнгийн дээрэлхэлт, гэмт хэрэг, зөрчилд өртөхөөс урьдчилан сэргийлэх, болзошгүй эрсдэлийг бууруулах, хууль эрх зүйн мэдлэг, ойлголтыг нэмэгдүүлэхэд чиглэв.

Арга хэмжээнд нийслэлийн хувийн өмчийн ерөнхий боловсролын 73 сургуулийн захирал, сургалтын менежер, нийгмийн ажилтнууд оролцсон.

Тус уулзалт нь сургуулийн удирдлагуудтай хамтын ажиллагааг бэхжүүлэх, хүүхдийн эрхийг хамгаалах, аюулгүй орчныг бүрдүүлэх чиглэлээр бодитой, үр дүнтэй арга хэмжээг хэрэгжүүлэх суурь нөхцөлийг бүрдүүлснээрээ онцлог ач холбогдолтой боллоо.