Цагдаагийн байгууллагаас өнгөрсөн оны 10 дугаар сарын 11-ний өдөр Өвөрхангай аймгийн Хархорин сумын нутаг дэвсгэрт үйлдэгдсэн байгаль орчны эсрэг гэмт хэргийг илрүүлэн, мөрдөн шалгах ажиллагааг явуулж дуусган, шүүхэд шилжүүлэх саналтайгаар прокурорын байгууллагад хүргүүлсэн.

Тодруулбал, иргэн Б нь шинэс төрлийн 16 ширхэг, нийт 1.291 шоо метр модыг тээврийн хэрэгсэл ашиглан хууль бусаар бэлтгэж, байгаль орчинд 391.888 төгрөгийн хохирол учруулсан нь мөрдөн шалгах ажиллагаагаар тогтоогдсон юм. Уг хэргийг шүүхээр хэлэлцэж, Монгол Улсын Эрүүгийн хуулийн 24.6 дугаар зүйлийн 2 дахь хэсгийн 2.3-т заасны дагуу Өвөрхангай аймгийн Хархорин сум дахь сум дундын шүүхээс иргэн Б-д 1 жилийн хугацаагаар тэнсэх ял оногдуулж, гэмт хэрэг үйлдэхэд ашигласан техник хэрэгслийг улсын орлого болгох шийдвэр гаргасан байна.

Иргэд Та бүхэн хүрээлэн байгаа орчны эсрэг гэмт хэрэг, зөрчлийн талаарх мэдээллийг цагдаагийн байгууллагын 102 болон 70191070 тусгай дугаарын утсанд мэдээлж, хамтран ажиллана уу.