Цагдаагийн байгууллагаас Баян-Өлгий аймгийн Баяннуур сумын нутаг дэвсгэрт байрлах Улсын тусгай хамгаалалттай газар нутаг болох “Цамбагарав уулын байгалийн цогцолбор”-т үйлдэгдсэн хүрээлэн байгаа орчны эсрэг гэмт хэргийг илрүүлэн, мөрдөн шалгах ажиллагааг явууллаа.

Тодруулбал, тус сумын иргэн Х нь ховор амьтны жагсаалтад багтсан “Суусар булга”-ыг хууль бусаар агнасан үйлдэл нь мөрдөн шалгах ажиллагаагаар тогтоогдсон.

Уг хэрэгт иргэн Х-г яллагдагчаар татан, хэргийг шүүхэд шилжүүлэх саналтайгаар прокурорын байгууллагад хүргүүлсэн бөгөөд Баян-Өлгий аймгийн сум дундын эрүүгийн хэргийн анхан шатны шүүхээс 7.000.000 төгрөгийн торгох ял оногдуулсан байна.

Мөн Монгол Улсын Засгийн газрын 2023 оны 07 дугаар сарын 05-ны өдрийн 260 дугаар тогтоолоор “Суусар булга”-ын экологи-эдийн засгийн үнэлгээг 945,000 төгрөгөөр тогтоосон бөгөөд холбогдох хууль тогтоомжийн дагуу уг үнэлгээг хоёр дахин нэмэгдүүлсэн хэмжээгээр хохирлыг нөхөн төлүүлсэн байна.