Цагдаагийн ерөнхий газар, Шинжлэх ухааны академитай "Хамтын ажиллагааны санамж бичиг” байгуулах арга хэмжээ өнөөдөр /2026.03.04/ боллоо.

Арга хэмжээнд Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд, Захиргааны удирдлагын газрын дарга, цагдаагийн хурандаа П.Батбаатар, Стратеги, бодлого, инновац, хөгжлийн албаны дарга, цагдаагийн хурандаа С.Тайван, Шинжлэх ухааны академийн ерөнхийлөгч, академич, Монгол Улсын Шинжлэх ухааны гавьяат зүтгэлтэн С.Дэмбэрэл болон Шинжлэх ухааны академийн удирдлагууд оролцлоо.

Цагдаагийн байгууллагаас хулгайд алдагдсан, тоногдсон түүх, археологийн ховор олдвор бүхий эд зүйлийг илрүүлж, Шинжлэх ухааны академийн археологийн хүрээлэнтэй хамтран нарийн шинжилгээ хийж, мэргэжлийн дүгнэлт гаргуулан хэргийг шүүхээр шийдвэрлэж байсан олон тохиолдол бий.

Энэхүү хамтын ажиллагааг эхлүүлснээр мөрдөн шалгах ажиллагаа явуулахад түүх, хими, биологи, технологийн зэрэг шинжлэх ухааны тусгай мэдлэгээр аливаа хэргийг тал бүрээс нь бүрэн бодитой тогтоож, хөдөлшгүй баримтаар нотлох үндсийг бүрдүүлэх юм.