Цагдаагийн байгууллагаас энэ оны 01 дүгээр сарын 25-ны өдрөөс эхлэн Сэлэнгэ аймгийн нутаг дэвсгэрт хууль бусаар мод бэлтгэх гэмт хэрэг үйлдсэн байж болзошгүй иргэн, аж ахуйн нэгжүүдийн үйлдлийг таслан зогсоох, илрүүлэх зорилгоор хяналт, шалгалт зохион байгуулж байна.

Уг шалгалтаар Сэлэнгэ аймгийн Ерөө, Хүдэр сум, Бугант тосгоны нутаг дэвсгэрт мод бэлтгэлийн үйл ажиллагаа явуулдаг нэр бүхий 44 аж ахуйн нэгжүүдийг хянан шалгалаа. Хяналт шалгалтын ажиллагаагаар 15009 ширхэг 620 м.куб палк, 1754 ширхэг 1128 м.куб гуалин, 320 м.куб зах банз мөн ОХУ-д үйлдвэрлэсэн тайга загварын хөрөө рам 38, хүнд даацын ачаа өргөгч ковш 29, зил 131 маркийн тээврийн хэрэгсэл 34, урал 1, трактор 26, том оврын Пусо маркийн тээврийн хэрэгсэл 9, мод ачигч ковш 29 тус тус битүүмжлэн Цагдаагийн байгууллагын гомдол мэдээлэлд бүртгэн мөрдөн шалгах ажиллагааг явуулан ажиллаж байна.

Иргэд та бүхэн Хүрээлэн байгаа орчны эсрэг гэмт хэрэг, зөрчлийн хууль тогтоомжийг сахин мөрдөж, байгаль орчноо хайрлан хамгаалахыг цагдаагийн байгууллагаас зөвлөж байна.