Монгол Улсад хурандаа цол олгож эхэлсний 90, "Монгол хурандаа нийгэмлэг"-ийн 20 жилийн ойн баярын хүндэтгэлийн арга хэмжээ өнөөдөр /2026.03.02/ зохион байгуулагдлаа.

Хүндэтгэлийн арга хэмжээний хүрээнд Монгол Улсын гарамгай баатар, хошууч Л.Дандарын хөшөөнд цэцэг өргөн, хүндэтгэл үзүүлж, Монгол Улсын Ерөнхийлөгч Ц.Хүрэлсүх мэндчилгээ дэвшүүлэн, Монгол Улсын Батлан хамгаалахын Сайд Д.Батлут хүрэлцэн ирж баяр хүргэв.

Энэ үеэр хүрэлцэн ирсэн зочид, төлөөлөгч болон “Монгол хурандаа нийгэмлэг"-ийн түүхт 20 жилийн ойд зориулсан баримтат киног толилуулж, зурагт үзэсгэлэнг сонирхууллаа.

Тус арга хэмжээнд 460 орчим хурандаа цолтон оролцсон бөгөөд цагдаа, дотоодын цэргийн байгууллагаас 60 хурандаа оролцож, ажил албандаа идэвх, зүтгэл гарган ажилласан зарим хурандаа нарыг шагнаж урамшуулав.

Өргөсөн тангарагтаа үнэнч байж улс эх орондоо олон жил зүтгэсэн эрхэм хурандаа нартаа баярын мэнд хүргэж, цаашдын ажил үйлсэд нь амжилт хүсье.