Иргэдээс ирүүлж буй гэмт хэрэг, зөрчлийн шинжтэй гомдол, мэдээллийг шуурхай хүлээн авч, шийдвэрлэх цагдаагийн байгууллагын үйлчилгээний чанар, хүртээмжийг нэмэгдүүлэх, иргэдэд шуурхай хүрч үйлчлэх зорилгоор Баянгол дүүргийн нутаг дэвсгэрт байх зах худалдааны төвүүд олноор төвлөрсөн бүсэд буюу тус дүүргийн 13-р хорооны нутаг дэвсгэрт “4 дүгээр хорооллын цагдаагийн тасаг”-ийг 3 сарын туршилтын хугацаатайгаар байгууллаа.

Тус цагдаагийн тасаг нь хариуцсан хорооны нутаг дэвсгэрт буюу 3, 4 дүгээр хороололд байх худалдаа үйлчилгээний төвүүд болон Баянгол дүүргийн 13-19 дүгээр хорооны нийт 7 хорооны нутаг дэвсгэрийн хэмжээнд гэмт хэргээс урьдчилан сэргийлэх, гэмт хэрэгтэй тэмцэх, нийтийн хэв журмыг сахин хамгаалах үйл ажиллагааг хэрэгжүүлэх мөн иргэдээс ирүүлсэн гомдол мэдээллийг шуурхай хүлээн авч, шийдвэрлэх ач холбогдолтой юм.