Цагдаа, дотоодын цэргийн Ахмадын хорооноос өнгөрсөн оны үйл ажиллагааны тайлан, 2026 онд авч хэрэгжүүлэх ажлын цахим уулзалт, зөвлөгөөнийг өнөөдөр /2026.01.27/ зохион байгууллаа. Уулзалтад 54 ахмадын салбар хороо, зөвлөлийн дарга нар, удирдах зөвлөлийн гишүүд, анги, байгууллагын удирдлага болон ахмадын ажил хариуцсан алба хаагчид оролцов.

Энэ онд цагдаа, дотоодын цэргийн Ахмадын хорооны 60 жилийн ойг тэмдэглэн өнгөрүүлэхтэй холбогдуулан хэрэгжүүлэх ажлын төлөвлөгөөг боловсруулж, ажлын хэсэг байгуулан “Ахмадын алдар” хүндэт тэмдгийн шагналын журмыг танилцуулж, ахмадуудын санал, хүсэлтийг сонссон юм.