Цагдаагийн алба хаагчдын гэргий нарыг шагналаа

Хан- Уул дүүрэг дэх Цагдаагийн I хэлтсээс алба хаагчдын ажлын ачааллаас үүдэлтэй сэтгэл санааны болоод стресс бухимдалыг тогтоох, түүнээс урьдчилан сэргийлэх зорилгоор Нийслэлийн Цагдаагийн газрын сэтгэл зүйчдийн багийг энэ сарын 7-10-нд урьж ажиллууллаа

Тэд тус хэлтсийн алба хаагчидтай ганцаарчлан болон багаар уулзахаас гадна 10-н алба хаагчийг сонгон гэргийд нь “Халамжит хань “ өргөмжлөл гардуулжээ. Хан-Уул дүүргийн Цагдаагийн нэгдүгээр хэлтсийн жижүүрийн шуурхай албаны жолооч, цагдаагийн ахлах ахлагч Г.Ганзоригийн гэргий Л.Дашдэлэг, хэв журмын офицер, цагдаагийн ахмад Ч.Машбаярын гэргий Р.Доржханд нарыг хэлтсийн даргын зөвлөлийн гишүүд хүлээн авч уулзан цагдаагийн алба хаагчийн хүнд хүчир, цаг наргүй ажлыг ойлгож, найдвартай ар тал, түшиг нь болж, дэмжин тусалж, үнэн ч зөвлөх нь байж чаддагт талархал илэрхийлж, санал сэтгэгдэлийг нь сонсчээ.

Сэтгэл зүйчдийн баг ажиллууллах үйл ажиллаагаа нийслэлийн хэжмээний цагдаагийн бусад дүүргүүдэд үргэлжилэн зохион байгуулагдах юм.