Хиймэл оюунд суурилсан “Мэдүүлэг ЭЙ АЙ” технологийн системийг эрүүгийн хэрэг хянан шийдвэрлэх ажиллагаанд нэвтрүүлж, программ ашиглах аргачлалыг нэмэлтээр оруулан, үйл ажиллагаанд ашиглаж байна. Мөн Мөрдөн шалгах албанаас иргэнд үзүүлэх ажил үйлчилгээг түргэн шуурхай хүргэх, мөрдөгчдийн ажлын ачааллыг бууруулах, цаг хугацааг хэмнэх, иргэдийг чирэгдүүлэхгүй байх зорилгоор мэдүүлэг өгөгчийн яриаг шууд, эсхүл мэдүүлгийн үед бэхжүүлсэн дууны, дуу дүрсний бичлэгийг бичвэрт хөрвүүлэх хиймэл оюунд суурилсан тус технологийн системийг 2025 оны 01 дүгээр сарын 01-ний өдрөөс үйл ажиллагаандаа нэвтрүүлэн ажиллаж байна.

Тус системийг нэвтрүүлснээр мэдүүлгийн тэмдэглэл үйлдэх механик ажил ачаалал дуусгавар болж, технологийн дэвшилд суурилан цаг хугацаа хэмнэсэн, хүний эрхийг хангах, Эрх бүхий мөрдөгч нар мөрдөн шалгах ажиллагаанд “Мэдүүлэг ЭЙ АЙ” системийг  бүрэн ашигласнаар Эрүүгийн хэрэг хянан шийдвэрлэх тухай хуулийн холбогдох заалтын хэрэгжилт хангагдаж, алба хаагчдын ажлын бүтээмж, бичиг баримтын боловсруулалтын хурд нэмэгдэж, ажлын ачаалал буурах эерэг бүтээмжтэй ажил болж байгаа юм.

“Мэдүүлэг ЭЙ АЙ” системийн хүртээмж, үйл ажиллагааг тэлж 250 хэрэглэгчийн эрхийг цагдаагийн байгууллагын хэмжээнд ашиглаж байгаа бөгөөд цаашид мэдүүлгийн өрөө бүрд нэвтрүүлэхээр төлөвлөж байна.