Цагдаагийн байгууллага 2025 онд хуулийн чиг үүргийнхээ хүрээнд иргэний эрх, эрх чөлөө, эрүүгийн хэрэг хянан шийдвэрлэх ажиллагаанд оролцогч нарын аюулгүй байдлыг хангах нөхцөл боломжийг бүрдүүлж, стандартаар уулзалт мэдүүлгийн өрөөг 864 болгон нэмэгдүүллээ.

Уулзалт, мэдүүлгийн өрөө нь өндөр нягтаршил бүхий дуу, дүрсний хяналтын камертай бөгөөд бусад шаардлагатай тоног төхөөрөмжийг суурилуулснаараа онцлог юм.

Шаардлага хангасан тусгайлан бэлтгэсэн өрөөнд мэдүүлэг авах нь хэрэг хянан шийдвэрлэх ажиллагаанд оролцогчдын аюулгүй байдал, эрх чөлөөг хамгаалах, эрүү шүүлт, хүнлэг бус харьцаанаас ангид байх эрхийг баталгаажуулах ач холбогдолтой.