Ипотекийн зээлд нийслэлд 35, орон нутагт 13 алба хаагч, “Зайсан” төслийн 320 айлын орон сууцанд 180 алба хаагч тус тус хамрагдсан. Мөн Баянгол, Орхон, Өмнөговь аймагт хөнгөлөлттэй үнээр орон сууц барих төслүүд хэрэгжиж, зарим нь ашиглалтад ороход бэлэн болсон.

   Цагдаа, дотоодын цэргийн байгууллагын алба хаагчдын нийгмийн баталгааг хангах ажлын хүрээнд “Ахлагч” бүрэлдэхүүнийг хамруулах 16 давхар, 1 орцтой, 2 блок, 249 айлын орон сууцны барилга угсралтын ажлыг “Сүмбэр цамхаг” ХХК-аар гүйцэтгүүлэхээр “Санамж бичиг” болон хөнгөлөлттэй нөхцөлөөр орон сууцаар хангах 9 бүлэг, 58 заалт бүхий “Ажил гүйцэтгэх гэрээ”-г байгуулж, шалгуур үзүүлэлт хангасан 155 алба хаагчтай “Орон сууц захиалах гэрээ” байгуулан, барилга угсралтын ажлыг эхлүүлээд байна.