Кибер гэмт хэрэгтэй тэмцэх газар олон улсын стандартад нийцсэн тоон ул мөр илрүүлэх лабораторийн барилга, засварын ажлыг хүлээн авлаа.
БНСУ-ын Үндэсний цагдаагийн газрын “Хөгжлийн албан ёсны буцалтгүй тусламж – ODA” төслийн хүрээнд хэрэгжсэн дижитал нотлох баримт шинжлэх лабораторийн барилга, засварын ажил дуусаж, тоон ул мөр илрүүлэх лабораторийг өнөөдөр хүлээн авлаа.

 📌 Кибер орчинд үйлдэгдсэн гэмт хэрэг тасралтгүй өсөж буй өнөө үед лабораторийн дэд бүтэц, техник, программ хангамжийг олон улсын түвшинд шинэчилсэн нь манай улсын кибер орчинд үйлдэгдсэн гэмт хэрэгтэй тэмцэх чадавхыг бодитоор бэхжүүлэх стратегийн томоохон алхам болж байна.
 Тус лаборатори ашиглалтад орсноор: 
✅ Тоон ул мөрийн шинжилгээг илүү хурдтай, нарийвчлалтай хийх.
✅ Олон улсын стандартын шаардлага хангасан орчин бүрдүүлэх.
✅ Тусгай мэдлэг бүхий мөрдөгчдийн ур чадварыг шинэ түвшинд хүргэх.
✅ Кибер орчинд үйлдэгдсэн гэмт хэрэгтэй тэмцэх үндэсний чадавхыг бодитоор нэмэгдүүлэх ач холбогдолтой юм.

📌 Лабораторийн нээлтийн үйл ажиллагаанд ЦЕГ-ын Тэргүүн дэд дарга, цагдаагийн хурандаа Б.Ганчулуун, БНСУ-ын Үндэсний цагдаагийн газрын Дижитал нотлох баримт шинжлэх төвийн дарга дэд хурандаа Кү Ён Юнг, Кибер аюулгүй байдлын зөвлөлийн ажлын албаны дарга Э.Балдансамбуу, Кибер гэмт хэрэгтэй тэмцэх газрын дарга, цагдаагийн дэд хурандаа Э.Гансүх болон албаны бусад төлөөлөгчид оролцлоо.

Дэлгэрэнгүй мэдээлэл: Цагдаагийн ерөнхий газрын Захиргааны удирдлагын газрын Зохион байгуулалт, хяналт-шинжилгээ, үнэлгээний хэлтсийн ахлах мэргэжилтэн, цагдаагийн хошууч Х.Мэндээ

Хаяг, утас: Чингэлтэй дүүрэг, 4 дүгээр хороо, Цагдаагийн ерөнхий газрын I байр 209 тоот, Утас: 70191022