Цагдаагийн байгууллагаас энэ оны эхни 10 сарын байдлаар 99.430 хэрэгт мөрдөн шалгах ажиллагааг явуулж, өнгөрсөн долоо хоногт (2025 оны 11 дүгээр сарын 17-оос 11 дүгээр сарын 20-ны өдрүүдэд) 703 хэргийг шүүхэд шилжүүлэх саналтай прокурорын байгууллагад хүргүүлсэн байна.Үүнээс:

Хүний амьд явах эрхийн эсрэг 8, Хүний эрүүл мэндийн халдашгүй байдлын эсрэг 263, Хүний бэлгийн эрх чөлөө, халдашгүй байдлын эсрэг 23, Өмчлөх эрхийн эсрэг 251, Олон нийтийн аюулгүй байдал, ашиг сонирхлын эсрэг 12, Хүрээлэн байгаа орчны эсрэг 21, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 99, бусад 26 хэрэг байна.

Зөрчлийн шинжтэй 151,003 үйлдэлд зөрчил шалган шийдвэрлэх ажиллагаа явуулж, 151,024 зөрчлийг шийдвэрлэсэн байна.

Нийт шийдвэрлэсэн зөрчлийн 149,888 зөрчлийг эрх бүхий албан тушаалтнаас буюу цагдаагийн алба хаагч шийдвэр гаргаж, 1136 зөрчлийг шүүхээр шийдвэрлүүлсэн байна. Үүнээс:

Олон нийтийн газарт зүй бусаар биеэ авч явах 1,813, Танхайрах 273, Хүний биед халдах 311, Гэр бүлийн хүчирхийлэлтэй тэмцэх тухай хууль зөрчих 314, Замын хөдөлгөөний аюулгүй байдлын тухай хууль зөрчих 146,421, бусад 1,892 зөрчил байна.

Эдгээрээс хүүхдийн эрхийг зөрчсөн 74 иргэнд 20.900.000 төгрөгийн торгуулийн шийтгэл оногдуулж, удаа дараа гэр бүлийн хүчирхийлэл үйлдсэн 265 иргэнийг шүүхээр 7-30 хоног баривчлуулах саналыг хүргүүлж, шийдвэрлүүлжээ.

Шалгаж шийлвэрлэсэн онцлог хэргийн талаарх:

Өнгөрсөн долоо хоногт цагдаагийн байгууллагаас Баянхонгор, Хэнтий, Өмнөговь, Дархан-Уул аймгийн нутаг дэвсгэрт тус тус бусдын амь насыг зэвсгийн чанартай зүйл (хутга) ашиглан хохироосон 4 үйлдлийг илрүүлэн мөрдөн шалгах ажиллагааг явуулж, холбогдогч нарт Эрүүгийн хуулийн 10.1 дүгээр зүйлийн 1 дэх хэсэгт зааснаар тус бүр эрүүгийн хэрэг үүсгэж, яллагдагчаар татан, хэргийг шүүхэд шилжүүлэх саналтай прокурорын байгууллагад хүргүүлсэн.

Энэ оны эхний 10 сарын байдлаар цагдаагийн байгууллагаас хүний амь насыг хохироосон нийт 151 хэрэгт мөрдөн шалгах ажиллагаа явуулсан байна.

Нийтийн мэдээллийн ил тод байдлын тухай хуульд заасан мэдээлэл нээлттэй, ил тод, үнэн зөв байх, бодитой мэдээллээр хангах үндсэн зарчмын дагуу гэмт хэргийн мөрдөн шалгах ажиллагааны талаарх мэдээллийг Монгол Улсын Үндсэн хуулийн 16 дугаар зүйлийн 14 дэх заалт, Эрүүгийн хэрэг хянан шийдвэрлэх тухай хуулийн 29.3 дугаар зүйлийн 5 дахь хэсэгт заасныг чанд баримтлан товч байдлаар олон нийтэд мэдээлж байгаа болно.