Цагдаа, дотоодын цэргийн анги байгууллагын харьяа Дотоодын цэргийн цэргийн штаб, Нийслэлийн цагдаагийн удирдах газар, албад, 21 аймгийн цагдаагийн газарт байгуулагдсан 32 Ёс зүйн дэд хороод нь Төрийн албан хаагчийн ёс зүйн тухай хууль, Монгол Улсын Ёс зүйн хорооноос 2024 оны 05 дугаар тогтоолоор баталсан “Ёс зүйн дэд хорооны ажиллах журам”, Цагдаагийн ерөнхий газрын даргын 2024 оны А/427 дугаар тушаалаар баталсан “Цагдаа, дотоодын цэргийн байгууллагын ёс зүйн дэд хороотой хамтран ажиллах аргачлал”, цагдаа, дотоодын цэргийн байгууллагын Ёс зүйн дэд хорооны даргын 2024 оны 01 дүгээр тогтоолоор баталсан “Цагдаа, дотоодын цэргийн байгууллагын Ёс зүйн дэд хорооны ажиллах дүрэм”-ийг үйл ажиллагаандаа мөрдөн Цагдаа, дотоодын цэргийн анги байгууллагын ёс зүйн дэд хорооны 2025 оны үйл ажиллагааны төлөвлөгөөг хэрэгжүүлэн ажиллаж байна.

Цагдаа, дотоодын цэргийн анги, байгууллагын Ёс зүйн дэд хорооны 2025 оны үйл ажиллагааны төлөвлөгөөг хэлэлцэн баталж, НЦУГ, ДЦШ, алба, аймгийн цагдаагийн газрын Ёс зүйн дэд хороодод хүргүүлж хэрэгжилтийг хангуулж байна.

Цагдаа, дотоодын цэргийн анги, байгууллагын харьяа 32 Ёс зүйн дэд хороодын үйл ажиллагаанд ашиглагдах “Хурлын тэмдэглэл, дүгнэлт”-ийн загварыг боловсруулж, хэвлэмэл хуудасны эх загварыг Стандарт, хэмжил зүйн газрын даргын 2021 оны С/30 дугаар тушаалаар батлагдсан “Баримт бичгийн хэвлэмэл хуудас тэдгээрт бүрдлийг байрлуулахад тавих шаардлага” MNS 5140-3:2021 стандартад нийцсэн эсэхийг хянаж, батлагдсан “Хурлын тэмдэглэл”, “Дүгнэлт” гэсэн хэвлэмэл хуудсуудыг үйл ажиллагаандаа ашиглаж хэвшсэн.

Цагдаагийн ерөнхий газрын даргын 2024 оны А/279 дугаар тушаалаар баталсан “Алба хаагч гэмт хэрэг, зөрчилд холбогдсон, өртөж хохирсон талаар мэдэгдэх, сан бүрдүүлэх ашиглах, авч хэрэгжүүлэх арга хэмжээ (код 910) журам”-ын хэрэгжилтийг хангах ажлын хүрээнд ICS мэдээллийн бүртгэлийн санг үйл ажиллагаанд нэвтрүүлэн ашиглаж байна.

Цагдаагийн төв байгууллагын удирдлагаас хууль, журамд заасны дагуу Ёс зүйн дэд хороодыг бие даасан, хараат бус зарчмаар ажиллахад дэмжлэг үзүүлэх, тэднийг ажиллах нөхцөл боломжоор хангах, тус хорооны дарга, нарийн бичгийн дарга, гишүүдэд урамшуулал олгох, чадавхжуулах зардлыг байгууллагын жил бүрийн төсөвт тусгуулж, санхүүжүүлэх талаар холбогдох чиглэлийг харьяа албад, нэгжийн дарга нарт хүргүүлсэн.

Цагдаа, дотоодын цэргийн байгууллагын удирдах ажилтны нэгдсэн зөвлөгөөний үеэр 2025 оны 01 дүгээр сарын 24-ний өдөр Монгол Улсын Ёс зүйн хорооны дарга Ц.Амартөгсөөр “Төрийн албан хаагчинй ёс зүйн бодлого, хууль, эрх зүйн орчин” сэдвээр удирдах алба хаагчдад сургалт, мэдээлэл хийлгэх ажлыг зохион байгуулсан.

Монгол Улсын Ёс зүйн хороотой хамтран “Ёс зүйн дэд хорооны дарга, гишүүдийг чадавхжуулах, ёс зүйн зөрчлийн бүртгэл, хяналтын дэд системийг ашиглах, системд бүртгэсэн мэдээллийг хянах заавар зөвлөгөө өгөх, арга зүйгээр хангах нь” сэдэвт сургалтыг 2025 оны 02 дугаар сарын 07-ны өдөр цахимаар зохион байгуулж, уг сургалтад цагдаа, дотоодын цэргийн 32 анги, байгууллагын 216 алба хаагч хамрагдсан.

Дэлгэрэнгүй мэдээлэл авах: Урьдчилан сэргийлэх албаны Гэмт хэрэг, зөрчлөөс урьдчилан сэргийлэх хэлтсийн дарга, цагдаагийн дэд хурандаа Б.Өсөхбаяр
Хаяг, утасны дугаар: Монгол Улс, Улаанбаатар хот, Чингэлтэй дүүрэг, 4 дүгээр хороо, Самбуугийн гудамж-18, Утас: 9111-9374