Экологийн цагдаагийн албанаас Булган аймгийн Бүрэгхангай, Төв аймгийн Заамар, Сэлэнгэ аймгийн Баянгол, Ерөө сумдын нутаг дэвсгэрт хяналт шалгалт зохион байгуулж, Эрүүгийн хуулийн тусгай ангийн 24.2 дугаар зүйлд заасан “Хууль бусаар ашигт малтмал хайх, ашиглах, олборлох” гэмт хэрэг үйлдсэн байж болзошгүй 2 аж ахуйн нэгж, 6 этгээдэд холбогдох 4 үйлдлийг илрүүлэн, мөрдөн шалгах ажиллагаа явуулж байна.

Тухайн гэмт хэрэг үйлдэхдээ ашигласан 204 хүнд даацын техник хэрэгслийг хураан авч, битүүмжлэн экологи, эдийн засагт учирсан хохирлын үнэлгээг тогтоон ажиллаж байна.

Иргэн Та хүрээлэн байгаа орчны талаарх гэмт хэрэг, зөрчлийн дуудлага мэдээллийг Цагдаагийн байгууллагын 102, Экологийн цагдаагийн албаны 70197010 дугаарт мэдэгдэнэ үү.