Нэгдсэн Үндэстний Байгууллагын энхийг дэмжих ажиллагаанд цагдаагийн баг оролцуулах бэлтгэл ажлын хүрээнд Америкийн Нэгдсэн Улсын Төрийн департаментын Олон улсын цагдаагийн энхийг сахиулах ажиллагааг дэмжих хөтөлбөр (IPPOS)-ийн зөвлөх/эксперт Глен Краннэжийн энэ оны 06 дугаар сарын 16-19-ний өдрүүдэд цагдаагийн байгууллагын урилгаар ажилласан юм.

Айлчлалын үеэр Монгол Улсын цагдаагийн байгууллагаас цагдаагийн баг энхийг дэмжих ажиллагаанд оролцуулах бэлтгэл ажлыг хангах ажлын явц байдалд хөндлөнгийн үнэлгээ хийж, удирдлага зохион байгуулалт, багийн эзэмших болон өөрийгөө нөхөн хангах тоног төхөөрөмж худалдан авч, бэлтгэх, цагдаагийн багийн бие бүрэлдэхүүний сонгон шалгаруулалт, сургалт, бэлтгэл гэсэн 3 үндсэн чиглэлээр авч хэрэгжүүлж буй ажил, арга хэмжээтэй танилцан, зөвлөмж бүхий дүгнэлтийг энэ оны 06 дугаар сарын 19-ний өдөр  Цагдаагийн ерөнхий газрын Тэргүүн дэд дарга, бригадын генерал Ц.Ням-Очирт хүлээлгэн өгөв.

Ийнхүү Америкийн Нэгдсэн Улсын Олон улсын цагдаагийн энхийг сахиулах ажиллагааг дэмжих хөтөлбөр (IPPOS)-ийн зөвлөх/эксперт Глен Краннэжийн айлчлал өндөрлөлөө.