Япон Улсаас Монгол Улсад суугаа Элчин сайдын яамны Цагдаагийн атташе Нокура Казухиро, консулын ахлах ажилтан Н.Энхболд нартай албан уулзалтыг өнөөдөр /2025.06.05/ Цагдаагийн ерөнхий газарт зохион байгууллаа.

Уулзалтад Цагдаагийн ерөнхий газрын Дэд бөгөөд Стратеги, бодлого, инновац хөгжлийн албаны дарга, цагдаагийн хурандаа О.Ганбат, мөн албаны дэд бөгөөд Стратеги, бодлогын хэлтсийн дарга, цагдаагийн хурандаа Г.Мөнгөншагай, Гадаад харилцаа, энхийг сахиулах ажиллагааны хэлтсийн дарга, цагдаагийн хурандаа Б.Эрдэнэдалай нар оролцов.

Тус уулзалтаар хоёр орны цагдаагийн байгууллага харилцан туршлага солилцож, хамтын ажиллагааг өргөжүүлэх чиглэлээр санал солилцсон юм.