Цагдаагийн ерөнхий газрын Ахлагчийн зөвлөлөөс “Хариуцлагатай ахлагч” аяныг энэ оны 05 дугаар сарын 12-ны өдрөөс 06 дугаар сарын 25-ны хооронд цагдаа, дотоодын цэргийн анги, байгууллагын хэмжээнд зохион байгуулж байна.

Энэхүү аян нь цагдаа, дотоодын цэргийн байгууллагаас 2025 онд дэвшүүлсэн зорилт, ахлагчийн хөгжлийн хөтөлбөрийн эрчимжүүлэх ажлын төлөвлөгөөний 3.2 дахь заалтын хэрэгжилтийг хангах, ахлагч бүрэлдэхүүнийг сахилга, ёс зүйн зөрчил гаргахаас урьдчилан сэргийлж, тэдний үнэлэмж, урам зоригийг дээшлүүлэх зорилготой юм.

Аяны хүрээнд цагдаа, дотоодын цэргийн байгууллагад 10 болон түүнээс дээш жил сахилга, ёс зүйн зөрчилгүй ажилласан ахлагч бүрэлдэхүүний судалгааг гаргаж, “Амжилтын буухиа” арга хэмжээг анги, байгууллага дээрээ зохион байгуулж, хамт олны дунд сурталчилж, алдаршуулж урамшуулах, цагдаа жолооч албан тушаалд ажиллаж байгаа алба хаагчдын мэдлэг, ур чадварыг дээшлүүлэх чиглэлээр “Уран жолоодлого” тэмцээнийг зохион байгуулах, ахлагч бүрэлдэхүүний дунд эрүүл чийрэг бие бялдраа хөгжүүлэх, багаар ажиллах чадварыг улам сайжруулах, зорилгоор “Классик пауэрлифтинг”-ийн тэмцээнийг зохион байгуулахаар төлөвлөн ажиллаж байна.