Завхан аймгийн цагдаагийн газраас “Хамтдаа хамгаалъя-2" сургалт Цагаанчулуут, Шилүүстэй, Цагаанхайрхан, Отгон сумдад зохион байгууллаа.

Сургалтын хүрээнд сургууль орчмын бүсэд хүүхдийн аюулгүй байдлыг хангах, согтууруулах ундаа худалдан борлуулдаг, түүгээр үйлчилдэг аж ахуйн нэгж байгууллага, гудамж талбай олон нийтийн газар, замын хөдөлгөөнд хяналт шалгалт хийж, хяналт шалгалтаар илэрсэн зөрчлийг арилгуулах, гэмт хэрэг, зөрчлөөс урьдчилан сэргийлэх мэдэгдлийг хариуцсан байгууллага, аж ахуйн нэгж, иргэнд хүргүүлэн ажиллаж байгаараа онцлог юм.

Цаашид тус арга хэмжээг бүх сумдад үе шаттайгаар зохион байгуулахаар төлөвлөн ажиллаж байна.

Тус цагдаагийн газраас гэмт хэрэг, зөрчлөөс урьдчилан сэргийлэх чиглэлээр зохион байгуулж буй "Хамтдаа хамгаалъя-2", "Сумын хяналт" арга хэмжээний хүрээнд энэ оны 04 дүгээр сарын 15, 16-ны өдрүүдэд Цагаанчулуут, Шилүүстэй сумдад амжилттай зохион байгууллаа. Уг арга хэмжээний хүрээнд сумдын Гэмт хэргээс урьдчилан сэргийлэх ажлыг зохицуулах салбар зөвлөл, хамтарсан багийн гишүүдэд мэргэжил аргазүйн зөвлөгөө өгч, цаашид хамтран ажиллах саналыг солилцон, ерөнхий боловсролын сурагчид болон иргэдийн эрх зүйн боловсролыг нэмэгдүүлэхэд чиглэсэн сургалт мэдээллийг хийлээ.