Завхан аймгийн цагдаагийн газраас “Кросс фит-2025” анхдугаар тэмцээнд цагдаагийн газрын 11 багийн 66 алба хаагчид гарааны өмнөх тэмцээнд гар дээр суниах, гийр өргөх, тавцанд үсрэх, буухиа тэмцээнд гүйлт, 50кг элс зөөх, 150кг штанг шахах, 15 метр гар дээрээ явах, 3 тоосго зөөж зэргээр төрлүүдээр хурд хүч, авхаалж самбаагаа дайчлан өрсөлдлөө.

Нэгдсэн дүнгээр тэмцээний тэргүүн байрт цагдаагийн дэд хурандаа П.Батзориг ахлагчтай 9 дүгээр баг, дэд байрт цагдаагийн хошууч Д. Молор-Эрдэнэ ахлагчтай 7 дугаар баг, гутгаар байрт цагдаагийн дэд хурандаа Л.Жамбалдорж ахлагчтай 4 дүгээр баг тус тус шалгарлаа.

Мөн энэ үеэр цагдаа, дотоодын цэргийн байгууллагын аварга шалгаруулах “Кросс фит-2025” тэмцээнд оролцох 10 алба хаагчийн шалгаруулж, батламж гардууллаа.

Монгол Улсын Ерөнхийлөгчийн бодлого, үйл ажиллагааны хөтөлбөрийн “Эрүүл Монгол хүн” үндэсний хөтөлбөр, “Төрийн цэргийн болон хууль сахиулах байгууллагын алба хаагчдын ёс зүй, бие бялдрын бэлтгэлжилтийг дээшлүүлэх хөтөлбөр”-ийн хэрэгжилтийг хангах, бие бялдрын бэлтгэлжилтийн түвшинг тодорхойлох, стандартыг хангуулах, Цагдаа, дотоодын цэргийн байгууллагын аварга шалгаруулах “Кросс фит-2025” тэмцээнд оролцох баг, тамирчдыг сонгон шалгаруулах зорилгоор тус цагдаагийн газрын аварга шалгаруулах “Кросс фит-2025” анхдугаар тэмцээнийг энэ оны 04 дүгээр сарын 26-ны өдөр амжилттай зохион байгууллаа.