Цагдаа, дотоодын цэргийн байгууллагаас 2025 дэвшүүлсэн зорилтыг хэрэгжүүлэх, Нийслэл хотод үйлдэгдэж байгаа гэмт хэрэг, зөрчилтэй тэмцэх ажилд төрийн байгууллагуудын жигд оролцоог хангах, харилцан ойлголцол, хамтын ажиллагааг сайжруулах гэр бүлийн хүчирхийллээс урьдчилан сэргийлэх, гэмт хэрэг, зөрчлийг шийдвэрлэх, тулгамдаж буй асуудлыг хэлэлцэх зорилгоор уулзалт, зөвлөгөөнийг өнөөдөр /2025.05.29/ зохион байгуулж байна.

Энэхүү уулзалт зөвлөгөөнд Хүний эрхийн үндэсний комисс, Шүүх, Прокурор, Цагдаа, Шүүхийн шийдвэр, Нийслэлийн Иргэдийн Төлөөлөгчдийн хурал, Иргэний зөвлөл, Засаг даргын тамгын газар, төрийн бус байгууллага, хэвлэл мэдээллийн байгууллагын төлөөлөл оролцож байна.

Уулзалт, зөвлөгөөнийг ийнхүү өргөн цаг хүрээтэй зохион байгуулж байгаа нь асуудлыг олон талаас хэлэлцэн хамтын шийдвэр гаргах боломж бүрдэж байгаагаараа онцлогтой юм. Илтгэл, мэдээлэл, санал, шүүмжлэлээс боловсруулагдсан “Зөвлөмж”-ийг практикт нэвтрүүлснээр хуулийг нэг мөр хэрэгжүүлэх, хүний эрхийг хангах, иргэдийн зөрчигдсөн эрхийг түргэн шуурхай сэргээхэд үр дүнгээ өгөх нөхцөл бүрдээд байна.