Улсын хэмжээнд зохион байгуулж буй “Хуулиа мөрдье” нэгдсэн арга хэмжээний хүрээнд согтуугаар үйлдэгдэж байгаа гэмт хэрэг, зөрчлөөс урьдчилан сэргийлэх, мэдээлэл солилцох, төрийн болон төрийн бус байгууллага, иргэдийн хамтын ажиллагаа, санал санаачилгыг өрнүүлэх зорилгоор “Архинаас татгалзъя ” сэдэвт хэлэлцүүлгийг Булган аймгийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран зохион байгууллаа.

Хэлэлцүүлэгт Булган сумын багийн Засаг дарга,  нийгмийн ажилтан, төрийн бус байгууллага, согтууруулах ундаа худалдах, түүгээр үйлчлэх зөвшөөрөлтэй цэгүүдийн төлөөлөл, төрийн байгууллагын холбогдох албан тушаалтан нар хамрагдлаа. Тус газраас Нийтийн хэв журам хамгаалах, олон нийтийн аюулгүй байдлыг хангах тасгийн Хэв журмын ажил хариуцсан ахлах байцаагч, цагдаагийн ахмад Х.Батжаргал “Согтуугаар үйлдэгдсэн гэмт хэрэг, зөрчил, анхаарах асуудал” сэдвээр мэдээлэл хийж, асуултад хариулт өгсөн бөгөөд оролцогч нарыг багаар ажиллуулж, цаашид хамтран хэрэгжүүлэх ажлын чиглэлийг тодорхойллоо.