Цагдаагийн ерөнхий газрын Дэд дарга, цагдаагийн хурандаа Н.Мөнхзул, Хүний нөөцийн хэлтсийн дарга, цагдаагийн хурандаа А.Мөнхцэцэг нар энэ оны 04 дүгээр сарын 16-ны өдөр Булган аймгийн Цагдаагийн газарт ажиллалаа.

Ажлын хэсэг Цагдаа, дотоодын цэргийн байгууллаас дэвшүүлсэн “Мэргэшсэн алба хаагч, Мэргэшсэн, чадвартай алба хаагчдыг тогтвортой ажиллах нөхцөлийг бүрдүүлэх , харилцаа хандлагыг сайжруулах, эерэг арга барил, бүтээлч сэтгэлгээг төлөвшүүлэх” зорилтын хүрээнд алба хаагчдад мэдээлэл өгөх, санал хүсэлтийг сонсох , урам зориг зөвлөмж өгөх, хүний нөөцийн орц, гарцад сүүлийн 3 жилийн байдлаар хийсэн дүн шинжилгээний үр дүн, 2024,2025 оны эхний нэгдүгээр улирлын сахилгын дүн мэдээ, гэмт хэрэг зөрчилд холбогдон шалгагдсан алба хаагчдын мэдээнд хийсэн дүн шинжилгээ зэрэг мэдээллийг алба хаагч нарт өглөө. Мөн эмэгтэй алба хаагчидттай тусгай уулзалт, ярилцлагыг зохион байгуулсан юм.