Цагдаа, дотоодын цэргийн байгууллагын үйл ажиллагааг иргэдэд сурталчлан танилцуулах, 2024-2025 оны хичээлийн жилд их дээд сургуульд элсэн суралцахаар сонирхож буй хүүхдүүдэд хичээл сонголтоо хийхэд нь дэмжлэг үзүүлэх зорилгоор “Зочинтой өдөр” уулзалт, өдөрлөгийн арга хэмжээг Арвайхээр сумын ерөнхий боловсролын 4 дүгээр сургуулийн сурагчдыг оролцуулан энэ оны 04 дүгээр сарын 16-ны өдөр цагдаагийн газрын хурлын танхимд зохион байгууллаа.

Өдөрлөгийн үеэр “Цагдаагийн байгууллагын түүхэн замнал, үйл ажиллагаа”, “Цагдаа, дотоодын цэргийн байгууллагад ажиллахад тавигдах шалгуур үзүүлэлт, нийгмийн баталгаа”, “Гэмт хэрэг, зөрчлийн тухай хууль”, “Хүүхдийн гэмт хэрэг зөрчлөөс урьдчилан сэргийлэх” зэрэг сэдвээр мэдээлэл өглөө.

Мөн цагдаагийн байгууллагын үйл ажиллагаанд ашиглагдаж байгаа галт зэвсэг, нэг бүрийн тусгай хэрэгсэл, албаны дүрэмт хувцас, техник хэрэгслийн үзүүлэн гаргаж, хууль эрх зүй болон танин мэдэхүйн мэдлэгийг сорих зорилгоор “АХА” тэмцээнийг зохион байгуулан эхний 1, 2 дугаар байр эзэлсэн сурагчдад “Дурсамж”, дурсгалын зүйлээр шагнаж урамшуулав.

Арга хэмжээний төгсгөлд багш, сурагчдыг цагдаагийн газрын өдөр тутмын үйл ажиллагаа, алба хаагчдын ажил үүргийн гүйцэтгэлт, өрөө байртай танилцуулж, тэдний сонирхсон асуултад хариулт өгөв.

Дээрх арга хэмжээнд алба хаагч, сурагчид идэвхитэй хамрагдсан ба байгууллагын үйл ажиллагааг сурталчилсан шинэлэг ажил боллоо.