Өвөрхангай аймгийн Цагдаагийн газрын 2024 оны үйл ажиллагааны тайлангийн хурлыг энэ оны 04 дүгээр сарын 17-ны өдөр “Орхон синема” кино театр зохион байгууллаа.

 Арга хэмжээнд Аймгийн Засаг даргын орлогч Б.Батзориг,  цагдаагийн газрын дарга, зөвлөлийн гишүүд, алба хаагч нар, Иргэний зөвлөлийн гишүүн П.Баярсайхан, Н.Болортуяа, Арвайхээр сумын иргэдийн төлөөлөл, иргэд оролцов.

Тайлангийн хурлаар Цагдаагийн газрын 2024 оны үйл ажиллагааны тайланг иргэний зөвлөлийн гишүүд, иргэдэд танилцуулж, иргэдээс цагдаагийн байгууллагын үйл ажиллагаатай холбоотой гарсан 18 санал, хүсэлтийг хүлээн авч, хариулт өгч, алба хаагчдаас ая дууны мэндчилгээ дэвшүүлсэн.

Энэ үеэр гэмт хэрэг, зөрчлөөс урьдчилан сэргийлэх чиглэлээр хэрэгжүүлж байгаа ажил, арга хэмжээг дэмжиж хамтран ажилладаг Арвайхээр сумын 12-р багийн иргэн О.Батсуурь, Арвайхээр сумын 1-р багийн иргэн Х.Эрдэнэбилэг нарыг Аймгийн Засаг Даргын “Жуух бичиг”-ээр, Ерөнхий боловсролын сургуулийн хүүхдүүдийг гэмт хэрэг зөрчлөөс урьдчилан сэргийлэх чиглэлээр идэвхтэй ажилладаг “Өсвөрийн сэргийлэгч бүлгэм”-ийн сурагч Г.Тэмүүлэн, Н.Нямсүрэн нарыг цагдаагийн газрын “Баярын бичиг”-ээр шагнаж, урамшууллаа.